Özin Bostandıq audanınıñ prokurorı retinde tanıstırğan Bauırjan Moldajanov narazılarğa eskertu jasap, tarauın swrauda. Almatı qalası. 4 qırküyek 2019 jıl. Foto: äuesqoy tüsirilim

Qalalıq qoğamdıq damu basqarmasınıñ basşısı Aydar Esenbekov  jäne onımen erip kelgen prokuror tañğı 10-nan beri «Qıtay ekspansiyasına qarsı» äri «Sayasi twtqındardı bosatu» turalı talaptar boyınşa äkimdik aldında twrğan köpşiliktiñ tarauın swrap, «zañğa qayşı» jiınğa eskertu jasadı.  

Bostandıq audanınıñ prokurorınıñ mindetin atqaruşı Bauırjan Moldajanov taramaytının jäne Toqaev beybit jiınğa rwqsat bergenin aytqan narazılarğa qarata «Biz sizderdi tıñdadıq. Bir-birimizdi tıñdayıq. Sizderdiñ is-äreketteriñiz dwrıs emes, zañğa qayşı bolıp twr», – dedi. Jinalğan belsendiler Konstituciyalıq qwqığı barın alğa tartqanına qaramastan prokuror «rwqsat etilgen» beybit şeru tärtibin bwzğanın mälimdedi. «Bizdiki zañsız emes», «Sender qaşan rwqsat berip ediñder», «Diktaturalıq tüsindirme», «Qamasañdar qamañdar, taramaymız» degen azamattar özderiniñ barınşa beybit bağıttı wstanatın aytıp, «Bostandıq!» dep wrandatıp ayqayladı.

Esteriñizge sala keteyik, qıtaylıq birikken 55 jobanıñ Qazaqstanda salınuına qarsı narazılıq akciyaları tamızdıñ soñındağı jekelegen piketterden keyin küş alıp üş künnen beri şeru jürip jatqan Jañaözen jwrtınıñ bastamasımen bügin özge 9 qalada jalğasın taptı. Bwqaralıq sipat alğan estafetalıq narazılıq akciyaları astana, Almatı, Şımkent, Aqtöbe, Aqtau, Öskemen, Qarağandı, Kökşetau, Taraz qalalarında ärtürli kölemde körinis berdi.

"The Qazaq Times"