Belgili käsipker-investor, biznes ağartuşı, azamattıq qoğamnıñ beldi ökili Marğwlan Seysembaev. Foto: twitter jelisinen

Bügin tanımal käsipker, investor, qoğam belsendisi Marğwlan Seysembaev öziniñ instagram paraqşasında qwqıq qorğau organdarı tarapınan eskertuler ("qoqan-loqı") alıp jatqanın, özine qarsı jasandı ayıptar tağıluı mümkin ekendigin mälimdedi.

Äleumettik jelide belsendi, azamattıq qoğamnıñ beldi ökili Marğwlan Qaliwlı jeke blog jürgizip, jastardı käsipkerlikke baulu, twlğalıq damu, investorlıq keyster men salauattı ömir süru täjiribelerimen bölisip, biznes ağartuşılıqpen aynalısıp jürgenine birşama jıl boldı.

Ol ärqanday mañızdı qoğamdıq oqiğalarğa, sayasi jañalıqtarğa qatıstı ötkir pikirleri men jeke közqarasın bildirip otıradı. Qazaqstandıq jastardıñ beyresmi mentorına aynalğan käsipker-investor öz oqırmandarın «aqparattıq keñistiktegi meniñ ünimdi öşiru üşin arnayı aqparattıq şabuıl jasalmaqşı» degen qaupimen qwlaqtandırdı. Onıñ aytuınşa, «satımpaz blogerler» men «anonimdi internet közderi» är kezderi bergen swqbat-pikirlerin qiıp-montajdap, özine qarsı bağıttalğan «ayıptauşı ayğaqtardı» belsendi türde äzirleuge kirisken.

Täuelsiz közqarastağı käsipker jazba soñında auditoriyasınan özine «jiirkenişti ädispen küresude» kömektesuin, qoldauın swrağan. 112 mıñnan astam oqırmanı bar bilikti-intellektual biznesmenniñ «Nazar audarıñızdar! Saq bolıñızdar» taqırıbındağı atalmış jazbasına eki sağat işinde 5 mıñnan astam layk basılıp, sonımen qatar 400-ge tarta oqırman-akkaunt qoldau mänindegi pikir bildirgen.

Esteriñizge sala ketsek, M.Seysembaev bıltır aqpan ayında ekinşi ret elge «biliktiñ senimdi kepildigi» arqılı oralğan edi. «Al'yans-Banktiñ» bwrınğı menşik iesi Marğwlan Seysembaevtı tergeu organdarı BTA bankine qatıstı E.Erimbetovtiñ isi boyınşa jauap aluğa şaqırğannan keyin elden ketip, qayta kelgen.

Qwzırlı organdardan qısım körip jatqan Marğwlan Seysembaevtıñ jeke paraqşasınan qiıp alınğan skrinşot. 3 qırküyek 2019 jıl. Foto: @margulan_seissembai / instagram

Qwzırlı organdardan qısım körip jatqan Marğwlan Seysembaevtıñ jeke paraqşasınan qiıp alınğan skrinşot (jalğası). 3 qırküyek 2019 jıl. Foto: @margulan_seissembai / instagram

"The Qazaq Times"