Foto: Sputnik Kazahstan

Soñğı bir aptada 30 jıldan beri öli tınıştıqta jatqan Qazaqstan sayasi alañı bir sätte tirildi. Mausım ayınıñ 9-ı men 12-i künderi aralığında Almatı, Nwr-Swltan (Astana), Şımkent jäne Aqtöbe qalalarında bolğan narazılıq akciyaları Aqordadağı jwrttıñ wyqısın bwzğanday. Su jaña prezident Qasım-Jomart Toqaev «Euronews» arnasına bergen swhbatında: «halıq narazılığı äleumettik mäselelerge baylanıstı» ekendigin aytıp, keyinnen Qoğamdıq senim keñesin qwru turalı jarlıqqa qol qoydı.

Joğarıda aytqanımızday Aqorda soñğı uaqıttarı Qazaqstanda bolıp jatqan «halıqtıq tolqulardan» keyin qoğammen dialog ornatu üşin bar küş-jigerin salıp jatqanday sıñay tanıtuda. Biraq däl qazirgi jağdayda bilikke halıqpen dialogqa keletin qanday tetikter bar? Jalpı onday tetikter bar ma özi? Täuelsizdik alğan 28 jılda oppoziciya men jekelegen azamattıq belsendiler alañın tolıqtay tazartqan bilik, endi sonıñ zardabın özi şegip jatqan joq pa? Ärine, osı uaqıt aralığında Qazaqstan sayasat alañında birde-bir oy köşbasşısı qalmadı dep aytuğa bolmas. Biraq halıq sözine toqtap, artınan eretin jekelegen twlğalardıñ qalmağanı anıq. Onıñ üstine prezident saylauı kezinde oppoziciyalıq sayasatker Ämirjan Qosanovqa imanınday senip, dauıs berip, byulletenin tañ atqanşa küzetken elektorat endi bilik tarapınan jasalğan bastamalarğa oñayşılıqpen senedi dep aytu qiın. Däl osı jerde sayasattan habarı bar, közi qaraqtı adam «Bizde JSDP «Aqiqat» oppoziciyalıq partiyası bar ğoy» - dep aytuı mümkin. Iä, ol bar, biraq JSDP «Aqiqat» dep atauın özgertkenimen ol «şalajansar» küyde. Sebebi «Aqiqat» äli künge deyin elde bolıp jatqan sayasi, äleumettik oqiğalarğa naqtı közqarası men wstanımın bildirgen joq.

Soñğı eki-üş künde prezident keñesşileri Darhan Qaletaev pen Erlan Qarinder qoğamda oy köşbasşıları bolıp jürgen Marğwlan Seysembaev, Arman Şoraev siyaqtı azamattardı qabıldap, Qoğamdıq senim keñesine baylanıstı mäselelerdi talqıladı. Biz bwl azamattardıñ halıq arasında tınımal ekendigin, özindik oy-pikiri bar ekendigin joqqa şığarmaymız. Biraq, halıqtıñ senimin kezekti bir keñes qwrumen qaytarıp alamın deu qanşalıqtı dwrıs şeşim? Erteñ kezekti ret üy nemese järdemaqı berudi talap etip şıqqan halıqpen kim dialog ornatadı? Köp balalı analar men jwmıssız, üysiz-küysiz jürgen jastardı Qoğamdıq senim keñesi qabılday ma, joq älde tağıda küştik qwrılımdar alañda «qwşaq jaya qarsı ala ma»? Bwl da ülken swraq. Prezident  keñesşisi Erlan Qarin: «Qoğamdıq senim keñesiniñ bastı ayırmaşılığı, azamattıq belsendilerdi, partiyalar men qoğamdıq birlestik ökilderin prezidenttiñ öziniñ qabıldauında» - dedi. Iä, bwl öte jaqsı bastama. Biraq, bwl jerde tağı da «biraq» degen sözdi paydalanuğa tura keledi. Sebebi osığan deyin bilik tarapınan köterilgen qanşama bastamanıñ «sayda sanı, qwmda izi joq bolıp» ketti. Küni keşe ğana twñğış prezident (ol kezde äli qızmetinen ketpegen) Nwrswltan Nazarbaevtıñ qatısuımen aşılğan «Jastar jılı» bastaması qayda qaldı? Aşılu saltanatına 223 million teñge jwmsadıq ta wmıtıp kettik. Bwnday bağdarlamalardı aytatın bolsaq, sanına sausaq jetpeydi...

"The Qazaq Times"