AQŞ zımıran sınağına Resey jauap beruge dayın.

Tamız ayınıñ 21-i küni Resey prezidenti Vladimir Putin jurnalister aldında söylegen sözinde AQŞ-tıñ zımıran sınağına qatıstı pikir bildirdi. Onda ol atalmış sınaqqa baylanıstı resmi Mäskeudiñ Uaşingtonğa mindetti türde jauap beretinin ayttı.

«Biz bwl mäselege baylanıstı qarsı qadamdar jasaytın bolamız. Biz bwğan deyin dialogqa kelu jöninde wsınıstar jasağanbız. Europalıqtarmen de, amerikalıqtarmen de kelissöz jürgizuge dayınbız. Biz äli künge deyin osı wstanımdamız» - dep mälimdedi Putin.

18-şi tamız küni AQŞ «Tomahawk» qanattı zımırandarınıñ jaña türin sınaqtan ötkizgen. Bwğan deyin AQŞ-tıñ 500 şaqırımdağı nısananı atıp tüsiruge qauqarlı zımırandarın sınaqtan ötkizgendigi jöninde aqparat tarağan. AQŞ Reseymen aradağı orta jäne qısqa qaşıqtıqtağı zımıran kelisiminen şıqqanan keyin, alğaş ret qanattı zımırandardı qwrlıqta sınaqtan ötkizude.

"The Qazaq Times"