اقش زىمىران سىناعىنا رەسەي جاۋاپ بەرۋگە دايىن.

تامىز ايىنىڭ 21-ءى كۇنى رەسەي پرەزيدەنتى ۆلاديمير پۋتين جۋرناليستەر الدىندا سويلەگەن سوزىندە اقش-تىڭ زىمىران سىناعىنا قاتىستى پىكىر ءبىلدىردى. وندا ول اتالمىش سىناققا بايلانىستى رەسمي ماسكەۋدىڭ ۋاشينگتونعا مىندەتتى تۇردە جاۋاپ بەرەتىنىن ايتتى.

«ءبىز بۇل ماسەلەگە بايلانىستى قارسى قادامدار جاسايتىن بولامىز. ءبىز بۇعان دەيىن ديالوگقا كەلۋ جونىندە ۇسىنىستار جاساعانبىز. ەۋروپالىقتارمەن دە، امەريكالىقتارمەن دە كەلىسسوز جۇرگىزۋگە دايىنبىز. ءبىز ءالى كۇنگە دەيىن وسى ۇستانىمدامىز» - دەپ مالىمدەدى پۋتين.

18-ءشى تامىز كۇنى اقش «Tomahawk» قاناتتى زىمىراندارىنىڭ جاڭا ءتۇرىن سىناقتان وتكىزگەن. بۇعان دەيىن اقش-تىڭ 500 شاقىرىمداعى نىسانانى اتىپ تۇسىرۋگە قاۋقارلى زىمىراندارىن سىناقتان وتكىزگەندىگى جونىندە اقپارات تاراعان. اقش رەسەيمەن اراداعى ورتا جانە قىسقا قاشىقتىقتاعى زىمىران كەلىسىمىنەن شىققانان كەيىن، العاش رەت قاناتتى زىمىرانداردى قۇرلىقتا سىناقتان وتكىزۋدە.

"The Qazaq Times"