Qazaqstan Prezidenti Nwrswltan Nazarbaevtıñ «Konstituciyağa özgerister men tolıqtırular engizu turalı» zañğa jariya türde qol qoyu räsimi. Foto: akorda.kz. Aqorda.

Qazaqstan Prezidenti Nwrswltan Nazarbaev «Konstituciyağa özgerister men tolıqtırular engizu turalı» zañğa jariya türde qol qoyıp, atalmış räsimde söz söyledi. Bwl turalı Aqordanıñ resmi saytında habarlandı.

 Qadirli qauım! Qwrmetti qazaqstandıqtar! Biz bügin memleketimiz üşin mäni zor tarihi şeşimniñ jüzege asatın sätine kuä bolamız. Men Konstituciyağa özgerister men tolıqtırular engizu turalı zañğa jariya türde qol qoyğalı twrmın.

Bwl – qazirgi basqaru jüyesin jañğırtuğa bastaytın mañızdı qadam.

Zañ bilik tarmaqtarı arasındağı qarım-qatınastı konstituciyalıq deñgeyde teñgerimdi etuge bağıttalğan. Onıñ jobası bir ay boyı qızu qoğamdıq talqılaudan ötkenin bilesizder. Sonıñ nätijesinde jwrtşılıq tarapınan 6 mıñnan astam wsınıs kelip tüsti.

Arnayı qwrılğan jwmıs tobı bwl wsınıstardıñ barlığın saraptap qarap, bir twjırımğa keldi.

Biz köpşiliktiñ Ata zañdağı 26-bapqa özgeris engizu jönindegi wsınısqa qatıstı pikirine erekşe män berdik. Wsınıstardıñ bäri mwqiyat qaralğan soñ men tüpkilikti jobanı Parlament qarauına engizdim.

Parlamenttiñ birlesken otırısında eki ret qaralıp, qabıldanğan bwl zañ bilik tarmaqtarı arasında ökilettikterdi qayta böledi. Sol arqılı zañ şığaruşı bilik pen Ükimettiñ memlekettik basqaru jüyesindegi jaña röli ayqındaladı.

Biz ökildi organnıñ qwzırın keñeytip, Ükimettiñ derbestigi men jauapkerşiligin arttırdıq.

Men qoğamdıq talqılauğa belsene atsalısqan el azamattarınıñ bärine şınayı rizaşılığımdı bildiremin. Sonday-aq, jwmıs tobına zor alğıs aytamın. Jwmıs tobına memlekettik qızmetşiler, Parlament deputattarı, zañgerler, universitetter basşıları qatıstı. Parlament deputattarı köp wsınıs engizip, naqtı jwmıs istedi. Barlıq şaralar üşin rahmet aytamın. Zañmen jwmıs jürgizip, mañızdı mindet atqarğan Parlament deputattarına da köp rahmet. Osılayşa, Otanımızdıñ bastı qwjatı kemeldene tüsti.

Konstituciyadan keyin qoldanıstağı zañdarğa özgerister engiziledi. Osığan oray tiisti jwmıstar jürgiziledi.

Engizilgen zañdı men Konstituciyanıñ talabı boyınşa Konstituciyalıq keñeske jiberip, bwl zañnıñ Konstituciyağa jäne Qazaqstannıñ zañdarına say ekeni jöninde tağı da däleldeme aldım.

Endi zañğa qol qoyıp, iske asıruğa boladı.

Qazaqstan Prezidenti Nwrswltan Nazarbaevtıñ «Konstituciyağa özgerister men tolıqtırular engizu turalı» zañğa jariya türde qol qoyu räsimi. Foto: akorda.kz

“The Qazaq Times”