Foto: https://en.beiruttimes.com

AQŞ prezidenti Donal'd Tramp Tehas jäne Ogayo ştattarında orın alğan atısqa qatıstı mälimdeme jasadı.

Tramp atıstı wyımdastıruşılardı «psihikalıq auıtquı bar adamdar» dep atadı. Sonımen qatar, tergeu jwmıstarı Aq üydiñ qatañ qadağalauımen ötkizilip jatqanın ayttı. Politico basılımınıñ habarlauınşa, Kongresste respublikalıqtar men demokrattar Amerikadağı qaru-jaraqtı qoldanudıñ jaña erejelerin bekitip, arnayı şekteuler engizudi wsınğan. Qazirgi uaqıtta bwl wsınıs qaralıp jatır.

3 tamızda AQŞ-tıñ Tehas ştatında bolğan atıs kezinde keminde 20 adam qaza tauıp, ondağan adam jaralanğan. Ertesine Ogayo ştatındağı Deyton qalasında tağı da atıs boldı. Belgisiz bireu jwrtqa oq jaudırıp, keminde 9 adam qaza taptı. AQŞ ükimeti bwl eki oqiğanı jek köru sipatındağı qılmıs retinde tanıdı. Sebebi, El'-Pasodağı atıstı wyımdastıruşı 21 jastağı Patrik Kruzius ğalamtorda näsilşildik sipattağı jazbalar jariyalap, migranttarğa qarsı manifest wyımdastırğan. Sonday-aq ol Jaña Zelandiyadağı Kraystçerçte meşitte bolğan atıstı qoldaytındığın aşıq jetkizgen.

Qwrama Ştattarında orın alğan qayğılı jağdaydan keyin eldiñ tuı älem boyınşa 8 tamızğa deyin tüsirildi.

"The Qazaq Times"