ترامپ اقش-تاعى اتىسقا قاتىستى مالىمدەمە جاسادى

اقش پرەزيدەنتى دونالد ترامپ تەحاس جانە وگايو شتاتتارىندا ورىن العان اتىسقا قاتىستى مالىمدەمە جاسادى.

ترامپ اتىستى ۇيىمداستىرۋشىلاردى «پسيحيكالىق اۋىتقۋى بار ادامدار» دەپ اتادى. سونىمەن قاتار، تەرگەۋ جۇمىستارى اق ءۇيدىڭ قاتاڭ قاداعالاۋىمەن وتكىزىلىپ جاتقانىن ايتتى. Politico باسىلىمىنىڭ حابارلاۋىنشا، كونگرەسستە رەسپۋبليكالىقتار مەن دەموكراتتار امەريكاداعى قارۋ-جاراقتى قولدانۋدىڭ جاڭا ەرەجەلەرىن بەكىتىپ، ارنايى شەكتەۋلەر ەنگىزۋدى ۇسىنعان. قازىرگى ۋاقىتتا بۇل ۇسىنىس قارالىپ جاتىر.

3 تامىزدا اقش-تىڭ تەحاس شتاتىندا بولعان اتىس كەزىندە كەمىندە 20 ادام قازا تاۋىپ، ونداعان ادام جارالانعان. ەرتەسىنە وگايو شتاتىنداعى دەيتون قالاسىندا تاعى دا اتىس بولدى. بەلگىسىز بىرەۋ جۇرتقا وق جاۋدىرىپ، كەمىندە 9 ادام قازا تاپتى. اقش ۇكىمەتى بۇل ەكى وقيعانى جەك كورۋ سيپاتىنداعى قىلمىس رەتىندە تانىدى. سەبەبى، ەل-پاسوداعى اتىستى ۇيىمداستىرۋشى 21 جاستاعى پاتريك كرۋزيۋس عالامتوردا ناسىلشىلدىك سيپاتتاعى جازبالار جاريالاپ، ميگرانتتارعا قارسى مانيفەست ۇيىمداستىرعان. سونداي-اق ول جاڭا زەلاندياداعى كرايستچەرچتە مەشىتتە بولعان اتىستى قولدايتىندىعىن اشىق جەتكىزگەن.

قۇراما شتاتتارىندا ورىن العان قايعىلى جاعدايدان كەيىن ەلدىڭ تۋى الەم بويىنشا 8 تامىزعا دەيىن ءتۇسىرىلدى.

"The Qazaq Times"