Japoniya wşatın avtokölikti sınaqtan ötkizdi.

NEC korporaciyası jürgizuşisiz wşatın avtokölikti sınaqtan ötkizdi. «Bloomberg» basılımınıñ mälimetinşe, sınaq Tokio qalasınıñ janında ornalasqan poligon alañdarınıñ birinde ötken. Sınaq kezinde kölek salonında adam bolmağan.

Joba jetekşileriniñ biri Kudji Okadanıñ sözinşe, bolaşaqta wşatın kölikter Japoniyada ülken swranısqa ie boladı. Sebebi halıq tığız ornalasqan aymaqtarda qazirdiñ özinde kölikpen qatınau öte qiın.

«Qalalarda adam sanınıñ köp boluına baylanıstı kölikpen jüru öte qiın. Wşatın avtokölikter jol qatınastarın jeñildetedi dep oylaymın» - dedi Okada.

Qazirgi uaqıtta NEC korporaciyası wşatın kölikterden bölek, adam tasımaldaytın drondardıñ infroqwrılımın jasaumen de aynalısadı. Äzirge wşatın kölikterdiñ qaşan paydalanuğa beriletini belgisiz.

"The Qazaq Times"