Iran "äue - äue" sanatındağı zımırandarınıñ üş jaña türin tanıstırdı. Bwl turalı Irna agenttigi habarladı.

Qorğanıs ministri Amir Hatamidiñ sözinşe, zımırandardı joyğış wşaqtarğa, tikwşaqtarğa jäne wşqışsız wşaqtarğa ornalastıruğa boladı. Zımırandardıñ biri 50 şaqırımnan astam qaşıqtıqtağı nısandardı atıp tüsiruge qauqarlı.

Jaña qaru türi Tehran men Uaşington qarım-qatınası salqın tartqan uaqıtta tanıstırılıp otır. Bıltırğı jıldıñ mamır ayında AQŞ Irannıñ yadrolıq bağdarlamasına qatıstı kelisimnen şığıp ketken. Bwğan qosa Uaşington Tehranğa qatıstı birqatar sankciyaların qayta iske qosqan.

Biıl mausım ayında Iran biligi yadrolıq kelisimdegi mindetterdi orındaudan bas tartatının mälimdedi.

Tehrannıñ yadrolıq bağdarlamasın joyudı közdeytin kelisim 2015 jılı qabıldanğan. Oğan Iran, AQŞ, Franciya, Wlıbritanya, Resey, Qıtay jäne Germaniya elderi qol qoyğan.

"The Qazaq Times"