Kaliningradtağı reseylik Iskander zımıran keşeni. Foto: newvz.ru

Mäskeudiñ Kaliningradqa "Iskander" zmırandarın twraqtı ornatu turalı şeşimi Europa qauipsizdigine qauip töndiredi dep mälimdedi Germaniya sırtqı ister ministri Zigmar Gabriel' "Interfaks" agenttigine bergen swhbatında. Bwl turalı centralasian.org jazadı. 

Resey ötken jılı Kaliningradqa yadrolıq oqtwmsığı bar ballistikalıq zımırandar jetkizip, S-400 äue şabuılınan qorğanıs jüyesin ornatqan. Resey bwl qaru-jaraqtar äskeri jattığu ayasında ornalastırıldı deydi. Biraq Batıs elderiniñ äsker basıları bwl qaru-jaraqtar Kaliningradta wzaq merzimge qaldırıluı mümkin dep qauiptenedi.

"Kaliningradta "Iskander" zımırandarın wzaq merzimge ornatu ülken alañdauşılıqqa jäne Europanıñ qauipsizdigine soqqı jasauğa sebep boladı. Biz osı sebepten Kaliningradta ne bolıp jatqanın mwqiyat baqılap otıramız" dedi Zigmar Gabriel'.

Keybir "Iskander-M" zımırandarı wşırılğan jerinen bastap 700 kilometr qaşıqtıqtağı nısanağa däl tiip, qirata aladı. Gabriel' Reseydiñ Pol'şa men Baltıq elderine NATO-nıñ tört mıñ sarbazınıñ, onıñ işinde Litvağa 400 nemis soldatınıñ ornalastırılğanına baylanıstı sının qabıldamadı. "Germaniya men NATO-nıñ özge elderi Baltıq boyına birinşi ret kirip otırğan joq" degen Gabriel' aymaqtağı nemis äskeriniñ sanı Reseydiñ aymaqta jappay küşeytip jatqan äskeri quatımen salıstırğanda äldeqayda az ekenin ayttı.

Gabriel' bwl turalı 9 naurızda Mäskeuge saparınıñ qarsañında ayttı. 9 naurızda ol Mäskeude Resey sırtqı ister ministri Sergey Lavrovpen kezdesedi.

«The Qazaq Times»