AQŞ-ta Pentagonnıñ jaña basşısı tanıstırıldı. Senattıñ qoldauımen AQŞ qorğanıs ministri lauazımına Mark Esper keldi.

Aq üyde ötken saltanattı räsimde Mark Esper Qwrama Ştattıñ jaña qorğanıs ministri retinde tanıstırılıp, Joğarğı sottıñ sud'yası Samuel' Alito odan ant qabıldadı. Endi Esper qaramağında 1,3 million äskeri bar arnayı qwramdı basqaradı.

Fox news mälimeti boyınşa, Esper Parsı şığanağında Irak aumağındağı soğısqa qatısqan. Twraqtı äskerde 10 jıl jäne Wlttıq gvardiya men armiya rezervinde 11 jıl qızmet etken ol 2017 jıldan beri Senattıñ qoldauımen AQŞ-tıñ qwrlıqtağı küşter ministri qızmetin atqarıp keldi.

Biıl mausımda Pentagonnıñ uaqıtşa basşısı Patrih Şanahan öz erkimen otstavkağa ketken. Keyinnen bwl orınğa Donal'd Tramp Esperdi wsınğan bolatın. Negizinen atalğan lauazımğa Aq üy äkimşiligi jeltoqsannan beri basşı izdep kelgen.

"The Qazaq Times"