اقش پرەزيدەنتى دونالد ترامپ جانە جاڭا قورعانىس ءمينيسترى مارك ەسپەر. فوتو: https://s12.stc.all.kpcdn.net

اقش-تا پەنتاگوننىڭ جاڭا باسشىسى تانىستىرىلدى. سەناتتىڭ قولداۋىمەن اقش قورعانىس ءمينيسترى لاۋازىمىنا مارك ەسپەر كەلدى.

اق ۇيدە وتكەن سالتاناتتى راسىمدە مارك ەسپەر قۇراما شتاتتىڭ جاڭا قورعانىس ءمينيسترى رەتىندە تانىستىرىلىپ، جوعارعى سوتتىڭ سۋدياسى سامۋەل اليتو ودان انت قابىلدادى. ەندى ەسپەر قاراماعىندا 1,3 ميلليون اسكەرى بار ارنايى قۇرامدى باسقارادى.

Fox news مالىمەتى بويىنشا، ەسپەر پارسى شىعاناعىندا يراك اۋماعىنداعى سوعىسقا قاتىسقان. تۇراقتى اسكەردە 10 جىل جانە ۇلتتىق گۆارديا مەن ارميا رەزەرۆىندە 11 جىل قىزمەت ەتكەن ول 2017 جىلدان بەرى سەناتتىڭ قولداۋىمەن اقش-تىڭ قۇرلىقتاعى كۇشتەر ءمينيسترى قىزمەتىن اتقارىپ كەلدى.

بيىل ماۋسىمدا پەنتاگوننىڭ ۋاقىتشا باسشىسى پاتريح شاناحان ءوز ەركىمەن وتستاۆكاعا كەتكەن. كەيىننەن بۇل ورىنعا دونالد ترامپ ەسپەردى ۇسىنعان بولاتىن. نەگىزىنەن اتالعان لاۋازىمعا اق ءۇي اكىمشىلىگى جەلتوقساننان بەرى باسشى ىزدەپ كەلگەن.

"The Qazaq Times"