AQŞ prezidenti Donal'd Tramp Türkiyanıñ Reseyden S-400 äue qorğanısı jüyesin satıp aluına baylanıstı pikir bildirdi.

«Olar öte qiın jağdayda. AQŞ-ta öte qiın jağdayda. Biz qazir osı mäsele boyınşa jwmıs isteudemiz. Türkiya men Resey arasındağı kelisim ädiletsiz. Ankara jüz F-35 wşağına tapsırıs bergen. Biraq olar bwdan äri bwlay istey almaydı» - dep mälimdedi Tramp.

AQŞ prezidentiniñ sözinşe, Türkiya bwğan deyin amerikalıq «Patriot» äue qorğanıs jüyelerin satıp aluğa nietti bolğan. Biraq Barak Obama äkimşiligi Ankaranıñ bwl bastamasın qarausız qaldırğan.

Resey şilde ayınıñ 12-i küni Türkiyağa S-400 jüyesiniñ alğaşqı legin jetkizgen. Osı uaqıtqa deyin Myurted äuejayına S-400 bölekteri tielgen 13 wşaq kelip qonğan.

AQŞ pen Türkiya qarım-qatınası Ankara men Mäskeu arasındağı kelisimnen keyin uşıqqan. Uaşington Türkiyanıñ Reseyden S-400 jüyesin satıp aluına qarsılıq bildirip, atalmış jüyeniñ NATO standarttarına säykes kelmeytindigin alğa tartqan. Biraq Ankara AQŞ-tıñ bwl uäjderine qwlaq aspay, S-400 jüyesin tek qorğanıs qwralı retinde paydalanatın mälimdegen.

"The Qazaq Times"