Foto: https://bbs.co.uk

Resey prezidenti Vladimir Putin birinşi ret Ukraina prezidentimen telefon arqılı söylesti.

Kreml'diñ baspasöz hatşısı Dmitriy Peskovtıñ aytuınşa, eki el basşıları Ukrainadağı qaqtığıs aymaqtarı, Kerş bwğazındağı jağday men diplomatiyalıq baylanıstı talqılağan. Zelenskiy tarabınan aytılğan negizgi äñgime – Mäskeudiñ ukrain teñizşilerin sottauı. Sonımen qatar, Putin men Zelenskiy Reseydegi ukrain azamattarınıñ eline oraluı, aldağı künderi Batıs köşbasşılarımen birge jaña formattağı kezdesu wyımdastırudı talqığa salğan.

Osığan deyin «Rossiya 24» jäne ukraindıq NewsOne telearnaları birigip el twrğındarı arasında dialog wyımdastıru maqsatında teleköpir ötkiziletinin habarlağan. Alayda, bastama sayasi twrğıdağı sıni pikirlerge baylanıstı ötpeytin boldı. Sonımen qatar, 8 şildede Vladimir Putin italiyalıq basılımğa swhbat berip, Resey Euroodaqpen tolıq formattı qarım-qatınastardı qalpına keltirip, Ukrainamen aşıq dialog jürgizuge dayın dep mälimdegen. Al 9 şildede ukrain prezidenti Resey prezidenti Vladimir Putindi Europa elderiniñ basşıları bas qosatın jaña formattağı kezdesude pikirsayıs ötkizuge şaqırğan. Pikirsayısqa AQŞ prezidenti Donal'd Tramp, Germaniya kancleri Angela Merkel', Franciya prezidenti Emmanuel' Makron jäne Wlıbritaniya prem'er-ministri Tereza Mey şaqırılıp, kezdesu Miskte ötedi dep josparlanğan. Degenmen, resmi Kreml' bwğan qatıstı naqtı jauap bergen joq.

Ayta keteyik, 25 qaraşada Resey Kerş bwğazında Ukraina äskeri-teñiz küşteriniñ üş kemesin basıp alıp, oq atqan. Artınşa Mäskeu 20-ğa juıq ukrain teñizşilerin qamauğa aldı. Ukrainanıñ sol kezdegi prezidenti Petr Poroşenko Reseydiñ bwl äreketin «basqınşılıq» dep atap, olardan Azov teñizinde wstalğan Ukraina äskeri kemeleri men teñizşilerin dereu bosatudı talap etti. Al Mäskeu ukraindıq kemeler Resey şekarasın bwzdı dep ayıptadı. Äzirşe, bwl jağday da eki el arasındağı şeşimin tappağan kezekti teketires retide qalıp otır.

 

"The Qazaq Times"