Limon bağında jwmıs istep jatqan jwmısşı. Foto: centralasian.org

Ändijan oblısı Asaka audanındağı mektep oquşılarınan limon ösiretin jılıjay salu üşin bes mıñ sumnan jinap jatır dep habarlaydı narazı ata-analar. Halıqtıq bilim berudiñ Asaka audandıq bölimşesi tüsinikteme bergileri kelmeydi. Bwl turalı "Ortalıq Aziya habar qızmeti" jazadı. 

Asaka audanınıñ №52 mektep oquşısınıñ anası mwğalimder aqşa jinaudı tağı bastadı deydi. "Meniñ balam birinşi sınıpta oqidı. Endi bizden mektep aumağına limon ösiretin jılıjay salu üşin aqşa talap etip jatır. Wlımnıñ mwğalimi bir japıraq qağaz berip jiberipti. Onda 5 mıñ sum berip jiberudi swrağan. Biz, ata-analar prezidenttiñ limon bağı nege mekteptiñ esebinen salınu kerek dep tañqalamız", - deydi ol.

№59 orta mektep oquşısınıñ äkesi soñğı ayda mektepke 55 mıñ sum jwmsağanın aytadı.

– Olar ata-analardan Bukvar merekesi üşin 15 mıñ sum jinadı, 8 naurız dep tağı 15 mıñ sum aldı, mwğalimderge dastarhan jayu üşin dep 5 mıñ sum aldı. Mwnan bölek ay sayın mektep qorına 7 mıñ sum bölemiz. Endi balalarımızdan limon bağınıñ qwrılısına aqşa swrap jatır. Ne degen şekten şıqqandıq?!, – dep şağımdanadı oquşınıñ äkesi.

Mektep mwğalimi ata-analardıñ şağımdarınan keyin, halıqtıq bilim berudiñ audandıq bölimşesiniñ meñgeruşisi özimizden tüsinikteme talap etti deydi. "Bastapqıda auızşa bwyrıq beredi, aqşa jinañdar dep. Keyin jauapkerşilikten qaşıp, mwğalimderden tüsinikteme aladı. Biraq "bäribir aqşa jinaudı jalğastırıñdar" deydi. Soñında ärine barlıq jalanı mwğalimderge jabadı", – deydi ol.

“The Qazaq Times”