وزبەكتەر پرەزيدەنتتىڭ ليمون باعىن سالۋ ءۇشىن اتا-انالاردان اقشا جيناپ جاتىر

ءاءندىجان وبلىسى اساكا اۋدانىنداعى مەكتەپ وقۋشىلارىنان ليمون ءوسىرەتىن جىلىجاي سالۋ ءۇءشىن بەس مىڭ سۋمنان جيناپ جاتىر دەپ حابارلايدى نارازى اتا-انالار. حالىقتىق ءبىلىم بەرۋدىڭ اساكا اۋداندىق بءولىمشەسى تءۇسىنىكتەمە بەرگىلەرى كەلمەيدى. بۇل تۋرالى "ورتالىق ازيا حابار قىزمەتى" جازادى. 

اساكا اۋدانىنىڭ №52 مەكتەپ وقۋشىسىنىڭ اناسى مۇعالىمدەر اقشا جيناۋدى تاعى باستادى دەيدى. "مەنىڭ بالام ءبىرىنشى سىنىپتا وقيدى. ەندى بىزدەن مەكتەپ اۋماعىنا ليمون وسىرەتىن جىلىجاي سالۋ ءۇشىن اقشا تالاپ ەتىپ جاتىر. ۇلىمنىڭ مۇعالىمى ءبىر جاپىراق قاعاز بەرىپ جىبەرىپتى. وندا 5 مىڭ سۋم بەرىپ جىبەرۋدى سۇراعان. ءبىز، اتا-انالار پرەزيدەنتءتىڭ ليمون باعى نەگە مەكتەپتىڭ ەسەبىنەن سالىنۋ كەرەك دەپ تاڭقالامىز", - دەيدى ول.

№59 ورتا مەكتەپ وقۋشىسىنىڭ اكەسى سوڭعى ايدا مەكتەپكە 55 مىڭ سۋم جۇمساعانىن ايتادى.

– ولار اتا-انالاردان بۋكۆار مەرەكەسى ءۇشىن 15 مىڭ سۋم جينادى، 8 ناۋرىز دەپ تاعى 15 مىڭ سۋم الدى، مۇعالىمدەرگە داستارحان جايۋ ءۇشىن دەپ 5 مىڭ سۋم الدى. مۇنان بولەك اي سايىن مەكتەپ قورىنا 7 مىڭ سۋم بولەمىز. ەندى بالالارىمىزدان ليمون باعىنىڭ قۇرىلىسىنا اقشا سۇراپ جاتىر. نە دەگەن شەكتەن شىققاندىق؟!، – دەپ شاعىمدانادى وقۋشىنىڭ اكەسى.

مەكتەپ مۇعالىمى اتا-انالاردىڭ شاعىمدارىنان كەيىن، حالىقتىق ءبىلىم بەرۋدىڭ اۋداندىق بولىمشەسىنىڭ مەڭگەرۋشىسى وزىمىزدەن تۇسىنىكتەمە تالاپ ەتتى دەيدى. "باستاپقىدا اۋىزشا بۇيرىق بەرەدى، اقشا جيناڭدار دەپ. كەيىن جاۋاپكەرشىلىكتەن قاشىپ، مۇعالىمدەردەن تۇسىنىكتەمە الادى. بىراق ء"بارىبىر اقشا جيناۋدى جالعاستىرىڭدار" دەيدى. سوڭىندا ارينە بارلىق جالانى مۇعالىمدەرگە جابادى", – دەيدى ول.

“The Qazaq Times”