NATO jasağı. Foto: Severe Network

6 naurız küni, Europa Odağına müşe elderdiñ sırtıq ister ministrleri men qorğanıs ministrleri bas qosqan Bryussel'degi otırısta, «Äskeri josparlau jäne atqaru ortalığı» (MPCC) attı birlesken qorğanıs komandalıq ortalığın qwru turalı şeşim qabıldandı. "Reuters" agenttiginiñ aytuınşa, Bwl qorğanıs komandalıq ortalığı simvoldıq mänge ie. EO-ğa müşe elderdiñ köpjaqtı qorğanıs pen qauipsizdik ıntımaqtastığın izdestirip jatqandığın tüsindiredi eken. Alayda, bwl ortalıqtıñ qwrıluı EO men NATO arasına sızat saları.

Britandıq «Gardiyan» basılımınıñ habarına qarağanda, qoldanıstağı EO äskeri quatın qorğanıs jäne azamattıq missiyasın qamtığan 16 türli elementte iske asırmaq. Komandalıq ortalıq şamamen 30 adamnan twradı. Bryussel'degi EO Sırtqı sayasat böliminen arnaulı keñse tağayındaldı. Komanda qwramı da  EO Sırtqı sayasat böliminiñ äskeri qızmetkerlerinen jasaqtaluı mümkin.

Köp jıldan beri qorğanıs ıntımaqtastığı Europalıq Odaqta asa kilteñ tüyinniñ biri bolıp kelgen. 2014 jılğı Reseydiñ Qırımdı bölip aluı, türli ekstremistik toptardıñ köbeyuinde de bwl mäsele Euroodaq komissiyasınıñ kün tärtibinde qalıp keldi. Mäseleniñ sezimtaldığı bwl ortalıqtıñ basqaruşısın «komandir» nemese «direktor» dep atau turasında da pikir talastıñ köp boluınan da körinip twrdı. Aqır soñında «Direktor» dep ataudı jön kördi. Bwdan da mañızdısı NATO-nıñ äskeri qoldauında kele jatqan Europa elderi üşin bwl jaña qorğanıs birlestiginiñ bolaşağı qalay bolatını turalı da uayım bar. NATO men Komandalıq ortalıq arasında qalıp, özderiniñ qauipsizdigine qater tönuinen alañdağan elder bwl şeşimge qarsı bolıp kelgen edi.

Ötken jıldıñ jeltoqsan ayında, Euroodaq basşıları «Qorğanıs isterin josparlau jäne onı joğarı deñgeyde atqaru» ştabın qwru turalı maqwldadı. Bwl ärine EO işki-sırtqı qayşılıqtarı men dau-janjaldardı şeşu üşin qajet boldı. Europanıñ eñ negizgi äskeri küşi retinde Wlıbritaniya bwl ortalıqtı qwruğa qarsı bolıp kelgen. Qazir Wlıbritaniyanıñ EO-dan bas tartuı, ortalıq qwru şeşiminiñ jasaluına tikeley äser etti. Al bwl ortalıq Germaniya men Franciya müddesine barınşa tiimdi boldı. Bwl ideyanı bastan ayaq qwptap kele jatqanda osı atalğan eki el.

«Gardiyan» basılımınıñ habarlauınşa, wzaq jıl EO qorğanıs mäselelerine kümänmen qarap kelgen Wlıbritaniya qorğanıs ökili Maykl Fallon da bwl ortalıqtıñ qwrıluın qwptağan. Sebebi, ol qazirdiñ özinde Europa Qorğanıs salası komandalıq qızmettiñ jäne baqılaudıñ joqtığınan twralap twr dep qaraydı. Alayda Komandalıq ortalıq qwrılğannan keyin EO men NATO arası alşaqtap, NATO men EO arasındağı elderdiñ qauipsizdigi turalı tıñ qayşılıq tuındauı mümkin.

“The Qazaq Times”