Bilik partiyası wyımdastırğan miting. Foto: Azattıq Radiosı.

Bügin, 6 şilde Almatıdağı "Sarıarqa" kinoteatrınıñ janında "Nwr Otan" partiyası wyımdastırğan miting boldı. Şarağa "Nwr Otan" partiyasınıñ birqatar müşeleri men qoldauşı azamattar qatısqan. Wyımdastıruşılardıñ aqparat qwraldarına bergen mälimetine sensek şarağa 1500-ge juıq adam qatısqan. 

"Nwr Otan" partiyasınıñ mitinginde atalğan partiya müşeleri halıqtı "arandatuşılarğa ilespeuge" ündegen. Olar Mwhtar Äblyazovtı "sırtta otırıp el işin arandatıp otırğan adam"  dep atağan. Sonday-aq, partiya müşeleri men jaqtastarı qazirgi kezde "qoğamnıñ tınıştığı", "eldiñ ornıqtılığı"  eñ mañızdı ekenine köbirek toqtalğan.

Ayta keteyik, osıdan bwrın Mwhtar Ablyazov eldegi azamattardı 6 şilde küninde jappay narazılıq şarasın ötkizuge şaqırğan bolatın. Soñğı kezderi bayqap otırğanımızday Qazaqstanda resmi taraptar jağınan tıyım salınğan "Qazaqstan demokratiyalıq tañdauı" qozğalısına jäne Mwhtar Ablyazovke  biliktegi partiyanıñ qarsı şaralarınıñ täsili özgere tüskendey. Rwqsat etilgen mitingter arqılı öz wstanımdarın halıqqa jetkizip otırğanı bayqaladı.

“The Qazaq Times”