Kazakh National Universiity, Almaty; Photo: BNews.kz

Äl-Farabi atındağı QazWU men MakGill universiteti (Kanada) medicina salasındağı ıntımaqtastıq jäne birlesken neyroreabilitaciyalıq ortalıqtı qwru turalı memorandumğa qol qoydı.

Ortalıq №1 Qalalıq klinikalıq auruhana bazasında qwrılatın boladı. Infarkt pen insul'tterden, balalardıñ cerebral'dı salınan jäne neyrogenerativti aurulardan keyin erte oñaltuğa mamandandırılğan auruhana Qazaqstannıñ jetekşi JOO-nıñ biri äl-Farabi atındağı QazWU-dıñ basqaruına berilgen bolatın.

Oqu jılınıñ basında QazWU-ğa Kanadadan älemge tanımal professorlar kelip, Qazaqstandağı densaulıq saqtau salası mamandarı üşin praktikalıq seminarlar men şeberlik sınıptarın ötkizedi. Olar qazaqstandıq äriptesterin zamanaui keşendi bağdarlamalarmen, aurulardı emdeu men oñaltudıñ däri-därmektik jäne däri-därmektik emes ädisterimen tanıstırıp, ozıq täjiribemen jäne adamnıñ jüyke jüyesi auruların zertteu nätijelerimen bölisedi.

MakGill universitetiniñ mamandarı äl-Farabi atındağı QazWU neyroreabilitaciyalıq ortalığınıñ qızmetine, neyrodegenerativti aurulardı emdeu men oñaltudıñ jaña tehnologiyalarınıñ transfertine ünemi keñes beredi. Ortalıqtıñ qwrıluı birlesken zertteu jäne ğılımi-bilim beru jwmıstarın jürgizuge, QazWU-dıñ medicina fakul'tetiniñ studentteriniñ täjiribelik dayındığın jürgizuge de mümkindik beredi. Bolaşaqta ortalıq medicinalıq turizm drayverleriniñ biri jäne neyrodegenerativti aurulardı emdeu men oñaltu jönindegi Ortalıq Aziya habına aynaluı tiis.

"The Qazaq Times"