Photo: Spot.uz

Özbekstan jeke derekterdi qorğau turalı zañ qabıldadı.

Özbekstanda jeke adamnıñ ömirbayanın, jeke ömirin, twratın jerin, käsibin, sayasi jäne dini közqarasın sub'ektiniñ kelisiminsiz taratuğa tıyım salındı.  Atalğan zañ 2019 jılğı 1 qazanda küşine enedi. Zañğa säykes, jeke derekterdi retteudi ükimet pen osı saladağı qwzıretti organ jüzege asıradı.

"Özbekstan Respublikasınıñ Konstituciyasına säykes ärbir azamat jeke ömiri men ar-namısın qorğauğa qwqılı", - dedi Oliy Senatınıñ ökili Boymatjon Rasulov.

Jalpı, adamnıñ jeke derekteri memlekettik organdarğa, äleumettik qızmet körsetu ortalıqtarına jäne de basqa türli wyımdardıñ qızmetine jügingen kezde  bazada saqtalıp qaladı. Atalğan zañda jeke derekterdi öñdeuge qatıstı şarttarı men talaptarı, sonday-aq, jeke datanı öñdeuge rwqsat beru ne kelisim bermeudiñ de tärtibi körsetilgen.

"The Qazaq Times"