Foto: http://memst.miid.gov.kz

Qazaqstan Ükimeti 2019 jılğa arnalğan byudjet jobasın bekitip, memleket basşısı Qasım-Jomart Toqaevtıñ älsiz äleumettik topqa jatatın azamattardı qoldau turalı tapsırması boyınşa şığındardı eseptedi.

Qarjı ministri Älihan Smayılov qarjılıq qoldau byudjettiñ belgili bir böligin qayta qarastıru arqılı jüzege asırılatın boladı dep mälimdedi. Byudjet jobasında Ükimet qorın 72,9 mlrd teñgege arttıru közdelgen. Onıñ bir böligi Arıs qalasında orın alğan tötenşe jağday saldarın joyuğa bağıttalmaq. Jwmıspen qamtu, köpbalalı otbasılar men jas otbasılardı qoldauğa 138,6 mlrd teñge bölinedi. Jwmıspen qamtuğa bölinetin 50 mlrd teñgeniñ işinde «Enbek», «Bastau Biznes» siyaqtı bağdarlamalar qamtılıp, belgili bir äleumettik top nesielendiriledi. Sonımen qatar, tikeley investiciyalar qorın qoruğa közdelgen qarajattıñ bir böligin qayta bölu esebinen iske asırılmaq. Ministrdiñ aytuınşa, memleket bastı borıştı öteytin boladı. Osı bağıtta audarılatın 300 mıñ teñgege deyingi sıyaqılar da jabıladı. Bwl maqsatta 88,5 mlrd teñge bölu qarastırılğan.

Ä.Smayılov sözinde: «Qazaqstandıqtardıñ äl-auqatın arttıru jäne äleumettik mäselelerdi şeşu boyınşa Memleket basşısınıñ tapsırmaların iske asıru üşin 2019 jılğa arnalğan respublikalıq byudjetti naqtılau jobası äzirlendi. Bwl arada osı jıldıñ säuir ayında tüzetilgen 2019 jılğa arnalğan eldiñ äleumettik-ekonomikalıq damu boljamın saqtay otırıp özgertu wsınıldı», – deydi. Sonday-aq, 2019 jılğa arnalğan byudjettiñ negizgi parametrleri özgerissiz qaladı: tüsimder - 10 trln 569 mlrd teñge, şığındar - 11 trln 933 mlrd teñge, tapşılıq - 1 trln 365 mlrd teñge.

"The Qazaq Times"