قازاقستان ۇكىمەتى 2019 جىلعا ارنالعان بيۋدجەت جوباسىن بەكىتىپ، مەملەكەت باسشىسى قاسىم-جومارت توقاەۆتىڭ ءالسىز الەۋمەتتىك توپقا جاتاتىن ازاماتتاردى قولداۋ تۋرالى تاپسىرماسى بويىنشا شىعىنداردى ەسەپتەدى.
قارجى ءمينيسترى ءاليحان سمايىلوۆ قارجىلىق قولداۋ بيۋدجەتتىڭ بەلگىلى ءبىر بولىگىن قايتا قاراستىرۋ ارقىلى جۇزەگە اسىرىلاتىن بولادى دەپ مالىمدەدى. بيۋدجەت جوباسىندا ۇكىمەت قورىن 72,9 ملرد تەڭگەگە ارتتىرۋ كوزدەلگەن. ونىڭ ءبىر بولىگى ارىس قالاسىندا ورىن العان توتەنشە جاعداي سالدارىن جويۋعا باعىتتالماق. جۇمىسپەن قامتۋ، كوپبالالى وتباسىلار مەن جاس وتباسىلاردى قولداۋعا 138,6 ملرد تەڭگە بولىنەدى. جۇمىسپەن قامتۋعا بولىنەتىن 50 ملرد تەڭگەنىڭ ىشىندە «ەنبەك»، «باستاۋ بيزنەس» سياقتى باعدارلامالار قامتىلىپ، بەلگىلى ءبىر الەۋمەتتىك توپ نەسيەلەندىرىلەدى. سونىمەن قاتار، تىكەلەي ينۆەستيتسيالار قورىن قورۋعا كوزدەلگەن قاراجاتتىڭ ءبىر بولىگىن قايتا ءبولۋ ەسەبىنەن ىسكە اسىرىلماق. ءمينيستردىڭ ايتۋىنشا، مەملەكەت باستى بورىشتى وتەيتىن بولادى. وسى باعىتتا اۋدارىلاتىن 300 مىڭ تەڭگەگە دەيىنگى سىياقىلار دا جابىلادى. بۇل ماقساتتا 88,5 ملرد تەڭگە ءبولۋ قاراستىرىلعان.
ءا.سمايىلوۆ سوزىندە: «قازاقستاندىقتاردىڭ ءال-اۋقاتىن ارتتىرۋ جانە الەۋمەتتىك ماسەلەلەردى شەشۋ بويىنشا مەملەكەت باسشىسىنىڭ تاپسىرمالارىن ىسكە اسىرۋ ءۇشىن 2019 جىلعا ارنالعان رەسپۋبليكالىق بيۋدجەتتى ناقتىلاۋ جوباسى ازىرلەندى. بۇل ارادا وسى جىلدىڭ ءساۋىر ايىندا تۇزەتىلگەن 2019 جىلعا ارنالعان ەلدىڭ الەۋمەتتىك-ەكونوميكالىق دامۋ بولجامىن ساقتاي وتىرىپ وزگەرتۋ ۇسىنىلدى»، – دەيدى. سونداي-اق، 2019 جىلعا ارنالعان بيۋدجەتتىڭ نەگىزگى پارامەترلەرى وزگەرىسسىز قالادى: تۇسىمدەر - 10 ترلن 569 ملرد تەڭگە، شىعىندار - 11 ترلن 933 ملرد تەڭگە، تاپشىلىق - 1 ترلن 365 ملرد تەڭگە.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى