كورنەكى سۋرەت. فوتو: http://mfa.gov.kz

قازاقستان سىرتقى ىستەر ءمينيسترى بەيبىت اتامقۇلوۆتىڭ اقش-قا ساپارى باستالدى. رەسمي ساپار اقش مەملەكەتتىك حاتشىسى مايك پومپەونىڭ جەكە شاقىرۋى بويىنشا قۇراما شتاتتىڭ تاۋەلسىزدىك كۇنى جانە قازاقستاننىڭ ديپلوماتيالىق قىزمەتى كۇنىمەن تۇسپا-تۇس كەلىپ وتىر.

ب.اتامقۇلوۆ اقش پرەزيدەنتى اكىمشىلىگى، مەملەكەتتىك دەپارتامەنت باسشىلىعى جانە ساراپشىلار توپتارىنىڭ وكىلدەرىمەن ەكىجاقتى كەزدەسۋلەر وتكىزبەك. ساپار بارىسىندا امەريكا مەن قازاقستان اراسىنداعى ديپلوماتيالىق، ستراتەگيالىق قارىم-قاتىناس تالقىلانادى.

تاۋەلسىزدىك جىلدارى ىشىندە امەريكا كومپانيالارى تاراپىنان قازاقستانعا 50 ميلليارد دوللاردان استام ينۆەستيتسيا قۇيىلعان. 2018 جىلى ەكى ەل اراسىنداعى تاۋار اينالىمى 2 ميلليارد دوللارعا جەتتى. 2017 جىلمەن سالىستىرعاندا 2018 جىلى ولاردىڭ كولەمى 44,7%-عا ءوسىپ، 5,3 ملرد اقش دوللارىنا جەتكەن.

ايتا كەتەيىك، بۇل ب.اتامقۇلوۆتىڭ قر سىرتقى ساياسي ۆەدومستۆوسىنىڭ باسشىسى رەتىندە جانە قاسىم-جومارت توقاەۆتىڭ قازاقستان پرەزيدەنتى لاۋازىمىنا سايلانعاننان بەرگى العاشقى ساپارى. 2018 جىلى بۇرىنعى پرەزيدەنت ن.نازارباەۆ ۋاشينگتوندا اق ءۇي باسشىسى دونالد ترامپپەن كەزدەسۋ وتكىزىپ، ستراتەگيالىق ارىپتەستىك ماسەلەلەرىن تالقىلاعان.

"The Qazaq Times"