Türkiya prezidenti Rejep Tayıp Erdoğan. Foto: https://cdnuploads.aa.com.tr

Memleket basşısı Qasım-Jomart Toqaevtıñ atına Arıs qalasında bolğan qayğılı oqiğağa baylanıstı Türkiya Respublikasınıñ prezidenti Rejep Tayıp Erdoğannıñ köñil aytu jedelhatı kelip tüsti.

Aqordanıñ baspasöz qızmeti habarlağanday, jedelhatta: «Türkistan oblısı Arıs qalasındağı äskeri bölimşedegi oq-däri qoymasında bolğan jarılıs saldarınan adamdardıñ zardap şekkenderi turalı aqparattı zor küyzelispen qabıldadım. Qazaqstan halqınıñ auır qayğısına ortaq ekenimizdi bildiremin. Türik halqınıñ jäne jeke özimniñ atımnan qımbattı bauırım Sizge, bauırlas qazaq halqına,  qaza bolğandardıñ jaqındarına qayğırıp köñil aytamın», – delingen. Sonımen qatar, Türkiya basşısı zardap şekkenderdiñ tezirek sauığıp ketuine tilektestik bildirdi.

Eske sala keteyik, 24 mausımda Arıs qalasındağı äskeri qoymalardıñ birinde jarılıs bolğan. Saldarınan üş adam qaza tauıp, 165 adam medicinalıq kömekke jügindi. Qazirgi uaqıtta Arıstağı äskeri bölimşe aumağındağı oq-däri qoymasında jarılıstar tıyılğan. 28 mausımnan bastap Arıs jwrtı üylerine qaytıp jatır.

"The Qazaq Times"