Keşe, 7 mausım küni Şımkent garnizonı sotında Türkistan oblısı Arıs qalasındağı äskeri bölim qoymasındağı jarılısqa qatıstı ayıptalğan 16 adam sottağı soñğı sözin söylep bitti. Prokuror sottan ayıptaluşılardı 4 jıldan 10 jılğa deyin sottaudı swrağan. Bwl turalı eki ayıptaluşınıñ advokatı Äbdiraman Aqqwlovtıñ sözine silteme jasağan Azattıq radiosı habarladı. 

Azattıqtıñ jazuına qarağanda,  sotta ayıptaluşılardıñ barlığı kinäsin moyındamağan.

"Advokattar sud'yadan tergep-tekseru barısında jiberilgen zañsızdıqtarğa köñil audarudı swradı. Jarılıstıñ şığu sebebi anıqtalmadı. Tağılğan ayıp däleldenbedi" degen Aqqwlov Azattıqqa.

Sot isti qarap jatqan sud'ya keñesu bölmesine ketkenin rastadı. Ükim aldağı künderi oqıluı tiis.

Äskeri prokuraturadan är ayıptaluşığa qanşa jıl jaza swralğanı turalı aqparat alu mümkin bolmadı.

Arıstağı jarılısqa baylanıstı sot otırısı 2020 jıldıñ 11 mausımında bastalğan. 400-den astam tomnan qwralğan iste 16 adam ayıptaluşı, 1500 adam jäbirlenuşi dep tanılğan. Ayıptaluşılar arasında äskeri qoymanıñ komandiri men orınbasarı da bar. Olarğa "Jarılıs qaupi bar nısandarda qauipsizdik qağidaların bwzu" (281-bap), "Nemqwraylıq" (371-bap) baptarı boyınşa ayıptar tağılğan.

Biıl qañtarda sot "qılmıstıq istegi kemşilikterdi joyu jäne iske qatısı bar basqa da adamdardı qılmıstıq jauapqa tartu üşin" isti prokuraturağa qayta tergeuge jibergen edi. Al 12 säuirde Şımkent garnizonı sotı Arıstağı äskeri bölim qoymasındağı jarılısqa qatıstı isti qayta qaray bastağan.

Sot videomaterialdarda memlekettik qwpiyağa baylanıstı derekter şıqqan soñ isti jabıq ötkizu turalı qaulı qabıldağan edi.

2019 jılı 24 mausımında Arıstağı äskeri oq-däri qoyması jarılıp, sonıñ saldarınan tört adam qaza tapqan. Olardıñ ekeui – äskeri, bireui – beybit twrğın, al bir bala evakuaciyalau kezinde jol apatınan mert boldı.

Jarılıs bolğan küni mıñdağın üy zaqımdanıp, Arıstıñ 40 mıñnan astam twrğını Şımkent qalası men töñiregindegi eldimekenderge evakuaciyalanğan. Olar keyinirek Arısqa qayta oralğan.

Resmi mälimet boyınşa, qaladağı 7 527 üy men köpqabattı 103 twrğın üy zaqımdanğan. Paydalanuğa jaramsız bolıp qalğan 420 üy men 3 köpqabattı twrğın üy qwlatılğan.

Keyin bilik jarılıstan üyinen ayırılğan twrğındarğa baspana salıp bergen.

"The Qazaq Times"