مەملەكەت باسشىسى قاسىم-جومارت توقاەۆتىڭ اتىنا ارىس قالاسىندا بولعان قايعىلى وقيعاعا بايلانىستى تۇركيا رەسپۋبليكاسىنىڭ پرەزيدەنتى رەجەپ تايىپ ەردوعاننىڭ كوڭىل ايتۋ جەدەلحاتى كەلىپ ءتۇستى.
اقوردانىڭ ءباسپاسوز قىزمەتى حابارلاعانداي، جەدەلحاتتا: «تۇركىستان وبلىسى ارىس قالاسىنداعى اسكەري بولىمشەدەگى وق-ءدارى قويماسىندا بولعان جارىلىس سالدارىنان ادامداردىڭ زارداپ شەككەندەرى تۋرالى اقپاراتتى زور كۇيزەلىسپەن قابىلدادىم. قازاقستان حالقىنىڭ اۋىر قايعىسىنا ورتاق ەكەنىمىزدى بىلدىرەمىن. تۇرىك حالقىنىڭ جانە جەكە ءوزىمنىڭ اتىمنان قىمباتتى باۋىرىم سىزگە، باۋىرلاس قازاق حالقىنا، قازا بولعانداردىڭ جاقىندارىنا قايعىرىپ كوڭىل ايتامىن»، – دەلىنگەن. سونىمەن قاتار، تۇركيا باسشىسى زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ەسكە سالا كەتەيىك، 24 ماۋسىمدا ارىس قالاسىنداعى اسكەري قويمالاردىڭ بىرىندە جارىلىس بولعان. سالدارىنان ءۇش ادام قازا تاۋىپ، 165 ادام مەديتسينالىق كومەككە جۇگىندى. قازىرگى ۋاقىتتا ارىستاعى اسكەري بولىمشە اۋماعىنداعى وق-ءدارى قويماسىندا جارىلىستار تىيىلعان. 28 ماۋسىمنان باستاپ ارىس جۇرتى ۇيلەرىنە قايتىپ جاتىر.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى