Körneki suret. Foto: https://www.dw.com

Berlinde 500-den astam oquşı qorşağan ortanı qorğauğa arnalğan bağdarlamalardı der kezinde jüzege asırmağanı üşin el deputattarına qarsı şeruge şıqtı.

Handelsblatt nemis basılımınıñ habarlauınşa, jazğı demalıs uaqıtında oquşılar azamattıq wstanımın bildiru üşin jinalğan. Qalanıñ ortalıq köşelerin jürip ötken olar arnayı palakattarmen şıqtı. Bügin Bundestagta deputattardıñ soñğı mäjilisi ötetinin eskergen şeruşiler Parlament ğimaratın qorşauğa alğan.

Şeruge qatısuşılardıñ biri Eva Fuka: «Bizdiñ şaramız deputattar demalısqa şığatın küni ötip jatır. Alayda olar biz tapsırğan üy jwmısın orındamağanın eske salğımız keledi. Biz sayasatkerlerdiñ qorşağan ortanı saqtauğa bağıttalğan naqtı şaralardı qabıldağanın qalaymız. Jartı jıl boyı şeruge şığu arqılı olardan aytarlıqtay nätije kütip otırmız», – deydi.

Jasöspirimder Germaniya halqın kömir jağudan jäne plastik ıdısın qoldanudan bas tartuğa şaqırıp, biliktegi şendilerdiñ osı bağıtta jwmıs isteuin talap etip otır. Nemis jastarı bwl şeru arqılı qorşağan ortanı qorğauğa bağıttalğan «üy tapsırmasın» orındamağan sayasatkerlerdi jazğı demalısına jiberuge qarsılıq bildirdi.

Ayta keteyik, Germaniyada mektep jasındağı oquşılar, studentter klimattıñ özgerui, auanıñ lastanuı sındı şeruler wyımdastırıp twradı. Şerulerdiñ eñ irisi birneşe jıl bwrın atom elektr stansaları jwmısına qarsı wyımdastırılğan. Qazir de nemis jasöspirimderi ükimetti klimattı qorğau bağdarlamalarına köbirek qarajat böluge, tipti tötenşe jağday jariyalauğa şaqıradı.

"The Qazaq Times"