Wlttıq bank depozittiñ jaña türin engizdi

Jaqında Wlttıq bank depozittiñ jaña türin engizdi.

Özgeristerge qatıstı mälimdeme jasağan Wlttıq bank törağası Erbolat Dosaev kepildik beru qorı wsınğan qazaqstandıq depozitter boyınşa eñ joğarı mölşerleme özgertilgenin ayttı. Valyutalıq aktivterdi el işinde saqtaudı ıntalandıru üşin jaña qwral retinde 1 şildeden bastap bankterdiñ wlttıq banktegi valyutalıq depozitteri engiziledi. Mwnday depozitterdiñ merzimi – bir ay. Al jıldıq mölşerlemesi 0,5%-ğa deyin boladı. Şetel valyutasın el işinde wstap otıru maqsatında ekinşi deñgeyli bankter üşin depozittiñ jaña türi engiziledi. Onı wlttıq banktiñ özinde aşuğa boladı.

Sonımen qatar, E.Dosaev: «Halıqtıñ teñgedegi merzimdi emes depozitteri boyınşa wsınılğan mölşerlemeni 2019 jıldıñ 1 şildesinen bastap 10,5%-ten 9,8%-ke deyin tömendetu turalı şeşim qabıldandı. Sonımen qatar, biıl 1 mausımnan bastap on eki ay jäne odan joğarı merzimmen şetel valyutasındağı jinaq pen merzimdi depozitter boyınşa 2 procentke deyin köterildi. Bwl şara bankterdiñ mindettemelerin wzartuğa bağıttalğan», – dep mälimdedi.

"The Qazaq Times"