ۇلتتىق بانك دەپوزيتتىڭ جاڭا ءتۇرىن ەنگىزدى

جاقىندا ۇلتتىق بانك دەپوزيتتىڭ جاڭا ءتۇرىن ەنگىزدى.

وزگەرىستەرگە قاتىستى مالىمدەمە جاساعان ۇلتتىق بانك توراعاسى ەربولات دوساەۆ كەپىلدىك بەرۋ قورى ۇسىنعان قازاقستاندىق دەپوزيتتەر بويىنشا ەڭ جوعارى مولشەرلەمە وزگەرتىلگەنىن ايتتى. ۆاليۋتالىق اكتيۆتەردى ەل ىشىندە ساقتاۋدى ىنتالاندىرۋ ءۇشىن جاڭا قۇرال رەتىندە 1 شىلدەدەن باستاپ بانكتەردىڭ ۇلتتىق بانكتەگى ۆاليۋتالىق دەپوزيتتەرى ەنگىزىلەدى. مۇنداي دەپوزيتتەردىڭ مەرزىمى – ءبىر اي. ال جىلدىق مولشەرلەمەسى 0,5%-عا دەيىن بولادى. شەتەل ۆاليۋتاسىن ەل ىشىندە ۇستاپ وتىرۋ ماقساتىندا ەكىنشى دەڭگەيلى بانكتەر ءۇشىن دەپوزيتتىڭ جاڭا ءتۇرى ەنگىزىلەدى. ونى ۇلتتىق بانكتىڭ وزىندە اشۋعا بولادى.

سونىمەن قاتار، ە.دوساەۆ: «حالىقتىڭ تەڭگەدەگى مەرزىمدى ەمەس دەپوزيتتەرى بويىنشا ۇسىنىلعان مولشەرلەمەنى 2019 جىلدىڭ 1 شىلدەسىنەن باستاپ 10,5%-تەن 9,8%-كە دەيىن تومەندەتۋ تۋرالى شەشىم قابىلداندى. سونىمەن قاتار، بيىل 1 ماۋسىمنان باستاپ ون ەكى اي جانە ودان جوعارى مەرزىممەن شەتەل ۆاليۋتاسىنداعى جيناق پەن مەرزىمدى دەپوزيتتەر بويىنشا 2 پروتسەنتكە دەيىن كوتەرىلدى. بۇل شارا بانكتەردىڭ مىندەتتەمەلەرىن ۇزارتۋعا باعىتتالعان»، – دەپ مالىمدەدى.

"The Qazaq Times"