Türkistan oblsında jürgen tilşimiz Asan Anarbaywlı bügin Şımkenttegi Arıs jwrtımen jolığıp, pikirlesip, hal-ahualdarın bildi. 

"Şındıqtı ekşim körgen joq, Arıstıñ twrğındarı ğana kördi" – deydi apattan bas sauğalap qaşıp şıqqan twrğandardıñ biri. Arıstağı jarılıstan keyin baspanasın tastap qaşıp şığuğa mäjbür bolğan twrğındar qalağa qaytqısı kelmeytinin aytuda. Olar Arıs qalasında qauipsiz äri alañsız ömir süru mümkin emes degen pikirde.

«Biz osınday jağdaydı 10 jılda ekinşi ret kördik. Eşkim kömektespedi, özimiz qaşıp şıqtıq», – deydi Arıs qalasında twratın 60 jastağı äjey Kemelbekova Gülzira. Ol jarılıs bolğannan keyin nemeresin alıp tüs aua qaladan äreñ qaşıp şıqqan.  Zeynetker äjey bwğan deyin qalada evakuaciyalıq jattığulardıñ da jasalmağanın, tipti jarılıs bolğannan keyin dabıl da qoyılmağanın aytadı.

Arıs twrğındarınıñ biri Täjibaeva sözinde: «Arısım aşıldı dese men barmaymın emes, baramın. Halıqtıñ küşi bar, «köp tükirse – köl» degen. Eñbegimizben, qara küşimizben Arıstı qayta twrğıza alamız. Biraq, onıñ bolaşağı bar ma? Jalğız men emes, ürim-bwtağımmen qaşan jarılıp ketemiz degen alañmen ömir sürgim kelmeydi. Bir ğana aytarım – halıqtı qauipsiz jerge köşirsin», – degen talabın aytadı.

“The Qazaq Times”