Marin Le Pen: Europalıq odaqpen qoştasatın kez jetti!

Franciya Wlttıq Maydan partiyasınıñ jetekşisi, prezidenttikke ümitker Marin Le Pen Franciya beybit türde Europalıq Odaqtan şığuı kerek dep jar saluda. Bwnı ol Parijde ötken dabıralı baspasöz mäjilisinde aytqan bolatın. Bwl turalı Türkiya «Anadolı» aqparattıq agenttigi habarlap otır.

Marin Le Pen euronıñ Franciya, Italiya, Ispaniya qatarlı elderdiñ wlttıq önerkäsibine aytarlıqtay keri äserin tigizgenin alğa tarata kele, «Eşbir memleket öziniñ wlttıq önerkäsibin qorğamay twra almaydı, meniñ mindetim sol – halıqtıñ senimine layıq bolıp, öz ekonomikamızdı küşeytu», – dedi.

Wlttıq maydan partiyası qazir Franciyada küşti qoldauğa ie bolıp kele jatqan partiya. Partiya jetekşisiniñ AQŞ prezidenti Donal'd Tramppen de tığız qarım-qatınası bar ekeni de belgili. Marin Le Pen öziniñ ekonomikalıq josparların bayandağan kezde onıñ Tramptıñ sayasatın ülgi twtatını anıq boldı. Ol Franciyağa da Tramptıñ jwmıspen qamtu sayasatın jalpılastırmaq. Sonımen qatar, Tramptıñ barlıq odaqtardan bas tartıp, jekelegen eldermen eki jaqtı ıntımaqtastıq sauda kelisimin jasauın biik parasattılıqqa balauda, alda Franciyağa da solay isteuge tura keletinin de qaytalay ayttı. Ol: «Europalıq odaqpen beybit türde qoştasatın kez jetti», – dep sözin tüyindedi.

Marin Le Pen partiyası Franciya azamattarınıñ EO-dan bas tartuın jaqtap, francuz önerkäsibin damıtudı wran etip keledi. Eldegi onı qoldauşılar künnen künge köbeye tüspek. Sebebi, Wlıbritaniyanıñ EO-dan şığuı, odaqtıñ bar auırtpalığın Franciya men Germaniyanıñ moynında qaladı. Özine eşqanday da igiligi joq elderdiñ jügin süyrep jürgisi kelmeytini anıq. EO jağdayı osılay jalğasa berse, Germaniyadan da EO-dan aynıp, nemis müddesin qoldauşılar şığarı anıq. Olay bolsa aytılmış Europalıq Odaqtıñ küni battı dey beriñiz.

“The Qazaq Times”