Izrail'diñ Manama sammitine qatısu qwqığı alınıp tastaldı. Bwl turalı Aq üy lauazımdılarınıñ mälimetine silteme jasay otırıp VOA aqparattıq agenttigi habarlağan.

Bwğan deyin Izrail' tarabı AQŞ-qa Palestina mäselesin birjaqtı etudiñ jaña jobasın wsınıp, eki el ortasında atalğan jospardı jüzege asıru turalı söylesuler bolğan. Alayda, Palestina azattıq wyımdarı men birqatar arab elderi Palestina azamattarı men resmi twlğaları qatıstırılmağan bwl jospardı ayıptağan. Aq üy tarabı qarsılıqqa qaramastan 25 mausım küni Palestina mäselesin bastı taqırıp etken Manama ekonomikalıq sammitine şaqırğan.

Alayda, aymaqtağı bastı oyınşılardıñ qarsılığınan keyin jäne soñğı kezderdegi Orta Şığıstağı sayasi jağdaylardıñ şielenisui Aq üy şeşimin özgertuge mäjbür etti. Izrail'di Bahreyn astanasında ötetin sammitke qatısudan şettetti.

Palestina mäselesin AQŞ pen Izrail' ortasında şeşu sındı bwl daulı äri küdikti sayasi oyındardıñ köş basında AQŞ prezidentiniñ küyeu balası Jared Kuşner jür. Ol Aq üydiñ birqatar lauazımdılarımen birge 25-26 mausım künderi ötetin Manama sammitine qatısadı. 

Ayta keteyik, Palestina azattıq wyımı Palestinanıñ eñ negizgi müddesi, territoriyası men egemendigi qarastırılmağan, AQŞ pen Izrail' ortasında ğana jasalğan bwl jospardıñ jäne Manama sammitiniñ şeşimin moyındamaytının eskertken. Oğan qosa Resey men Qıtay Manama jinalısına qatıspaytının mälimdegen.

“The Qazaq Times”