Tramp jäne küyeu balası. Foto: VistaNews.ru.

Reyter agenttiginiñ habarına qarağanda, Aq üy memlekettik qwpiyanı qadağalaudı küşeytip, prezident Tramptıñ küyeu balası jäne onıñ keñesşisi Kuşnerdiñ mañızdı mälimetterge qol jetkizu qwqığın şektegen. Bwl şekteuler arasında «Prezidenttiñ kündelikti brifingi» de bar. Bwl turalı «People» basılımı habarladı.

Mälimetterge qarağanda, jaqında Qwrama Ştat bas prokurorınıñ orınbasarı Rozenşteyn Aq üyge mazmwnı belgisiz qwjat joldağan. Aq üydegi aqparat közderi bwl Kuşnerdiñ qwziretin şekteuge qatıstı qwjat dep tüsindirgen.

Derek közderiniñ mälimdeuinşe, Tramptıñ ağa keñesşisi lauazımına ie Kuşnerge bıltır qauipsizdikke qatıstı mälimetterdi aluına rwqsat berilgen, alayda, soñğı birneşe aptadan beri prezidenttiñ küyeu balası Aq üydiñ qwpiya qwjattarınan qağıldı.

“The Qazaq Times”