Kuşner beybitşilik josparın jariya etti. Foto: VOA.

Qıtay men Resey ükimetteri Qwrama Ştat bas bolıp wyımdastırğan Izrail'-Palestina beybitşilik josparınıñ ekonomikalıq bölimi sanalatın "Manama sammitine" boykot jaiyalau turalı kelisken. Bwl mälimetti Palestinadağı Qıtay ökili Palestina ükimet jetekşisiniñ halıqaralıq ister jönindegi keñesşisi Nabil' Şaspen kezdesude ortağa salğan. AQŞ bas bolıp wyımdastırğan atalğan sammit Bahreynde ötkiziledi dep josparlanğan bolatın. 

Palestinanıñ aqparat qwraldarınıñ habarına qarağanda, Qıtay ökili Guo Vey Beyjiñniñ Şığıs Ierusalimdi Astana etken jäne 1967 jılğı şekarağa say täuelsiz Palestina memleketiniñ qwrıluın qoldaytının jetkizgen. Alayda, Izrail' ükimeti Şığıs Ierusalimdi öziniñ astanası retinde qarastıradı. AQŞ prezidenti Tramptıñ Şığıs Ierusalimdi Izrail' astanası retinde moyındau turalı şeşimi halıqaralıq dau tuğızğan edi.

Ötken aptada Tramp ükimetiniñ lauazımdı twlğaları, "Ğasır kelisimi" dep atalatın AQŞ-Izrail' beybitşilik josparın jariyaladı. Sonday-aq, Izrail' men Palestina beybitşilik josparın ekonomikalıq bölimin talqılau üşin Bahreyn ortalığı Manamağa sammit wyımdastıratının jetkizgen. Bwl sammitte Aq üydiñ joğarı keñesşisi äri prezidenti Tramptıñ küyeu balası Kuşner men AQŞ-tıñ Orta-Şığıstağı arnayı ökilderi qatısadı.

Saud Arabiyası, Birikken Arab Ämirligi jäne özge birqatar elder atalğan sammitke ökilderin jiberetinin mälimdedi. Sonday-aq, Bahreyndegi bas qosuğa keybir elderdiñ qarjı salasındağı lauazımdıları men isker top jetekşileri qatısadı dep kütilude.

Palestinanı azat etu wyımı AQŞ pen Izrail' ortasında ğana jasalğan atalmış joba jäne onıñ sammitine qatıspaytının, sonday-aq, qandayda bir şeşimin moyındamaytının bildirgen bolatın. Palestina ükimetiniñ basşıları bwl sammit turalı pikir bildirip, "Manama sammiti" Palestina men Izrail' qaqtığısınıñ negizgi sebepterin, aytalıq, soñğı şekara, Ierusalim märtebesin jäne Palestina halqınıñ tağdırı turalı talqığa salmaytının sınğa aldı. Olardıñ aytuınşa Izrail' men Palestina arasında beybitşilik ornatudıñ negizi okkupaciyanı toqtatıp, eñ mañızdı sayasi mäselelerdi şeşui bolıp tabıladı.

“The Qazaq Times”