ءيزرايلدىڭ ماناما سامميتىنە قاتىسۋ قۇقىعى الىنىپ تاستالدى

ءيزرايلدىڭ ماناما سامميتىنە قاتىسۋ قۇقىعى الىنىپ تاستالدى. بۇل تۋرالى اق ءۇي لاۋازىمدىلارىنىڭ مالىمەتىنە سىلتەمە جاساي وتىرىپ VOA اقپاراتتىق اگەنتتىگى حابارلاعان.

بۇعان دەيىن يزرايل تارابى اقش-قا پالەستينا ماسەلەسىن بىرجاقتى ەتۋدىڭ جاڭا جوباسىن ۇسىنىپ، ەكى ەل ورتاسىندا اتالعان جوسپاردى جۇزەگە اسىرۋ تۋرالى سويلەسۋلەر بولعان. الايدا، پالەستينا ازاتتىق ۇيىمدارى مەن بىرقاتار اراب ەلدەرى پالەستينا ازاماتتارى مەن رەسمي تۇلعالارى قاتىستىرىلماعان بۇل جوسپاردى ايىپتاعان. اق ءۇي تارابى قارسىلىققا قاراماستان 25 ماۋسىم كۇنى پالەستينا ماسەلەسىن باستى تاقىرىپ ەتكەن ماناما ەكونوميكالىق سامميتىنە شاقىرعان.

الايدا، ايماقتاعى باستى ويىنشىلاردىڭ قارسىلىعىنان كەيىن جانە سوڭعى كەزدەردەگى ورتا شىعىستاعى ساياسي جاعدايلاردىڭ شيەلەنىسۋى اق ءۇي شەشىمىن وزگەرتۋگە ءماجبۇر ەتتى. ءيزرايلدى باحرەين استاناسىندا وتەتىن سامميتكە قاتىسۋدان شەتتەتتى.

پالەستينا ماسەلەسىن اقش پەن يزرايل ورتاسىندا شەشۋ سىندى بۇل داۋلى ءارى كۇدىكتى ساياسي ويىنداردىڭ كوش باسىندا اقش پرەزيدەنتىنىڭ كۇيەۋ بالاسى جارەد كۋشنەر ءجۇر. ول اق ءۇيدىڭ بىرقاتار لاۋازىمدىلارىمەن بىرگە 25-26 ماۋسىم كۇندەرى وتەتىن ماناما سامميتىنە قاتىسادى. 

ايتا كەتەيىك، پالەستينا ازاتتىق ۇيىمى پالەستينانىڭ ەڭ نەگىزگى مۇددەسى، تەرريتورياسى مەن ەگەمەندىگى قاراستىرىلماعان، اقش پەن يزرايل ورتاسىندا عانا جاسالعان بۇل جوسپاردىڭ جانە ماناما ءسامميتىنىڭ شەشىمىن مويىندامايتىنىن ەسكەرتكەن. وعان قوسا رەسەي مەن قىتاي ماناما جينالىسىنا قاتىسپايتىنىن مالىمدەگەن.

“The Qazaq Times”