AQŞ pen onıñ NATO-dağı mañızdı odaqtası Türkiyanıñ qarım-qatınası naşarlap twrğan twtsa, reseylik äue qorğanıs tehnikası Türkiyağa jetkiziletin boldı. Reseylik qorğanıs tehnikaların satıp alu mäselesinde Ankara men Uaşington ortaq tanımğa äli kelip bolmağan edi. 

Qwrama Ştattar birneşe ret eskertu men sın berse de, Türkiya Resey "S-400" tehnikasın satıp alu turalı şeşimin özgertpedi. Al, jaqında S-400 tehnikasınıñ alğaşqıları Türkiya jerine mausım ayınıñ soñına qaray ornatıla bastaytını belgili boldı. Zımırandar men äskeri äue tehnikalarına qarsı twratın bwl qorğanıs jüyesin ornatu, alğaşqı sınaqtardı ötkizu üşin reseylik mamandardıñ tobı da Türkiyağa baradı.

AQŞ Türkiyanı rayınan qaytuğa nasihattap kördi. Tipti, kelisimnen bas tartpasa, älemdegi eñ ozıq äskeri wşaq sanalatın F-35 wşaqtarınıñ eñ jaña türlerin Türkiyağa berudi toqtatatının eskertti. Soñına kelgende bwğan deyin Türkiya satıp alğan F-35 wşaqtarınıñ bölşekterin jetkizudi toqtatıp tastadı.

Tereñirek üñilip qaraytın bolsaq, bwl dau-şardıñ äskeri, strategiyalıq jäne öndiristik sipattarı da bar. Soñğı qayşılıqtarğa baylanıstı Qwrama Ştattar Türkiyanı NATO-da jäne sırtqı sayasatta qanşalıqtı senimdi odaqtas boladı degen swraqtar töñireginde oylana bastadı. Bwnday swraulı oy NATO-nıñ özge de müşeleriniñ kökeyinde twr.

Türkiya NATO wyımı üşin strategiyalıq asa mañızdı el. Sebebi, Türkiya NATO-nıñ Orta, Tayau-Şığıs sındı eñ belsendi qaterlerge tolı aymaqtağı şekarasın qorğap twr. Süriya, Irak, Iran, Auğanstan sındı Batıstı alañdatatın eldermen qosa, Saudan, Liviya soğıs otı sönbegen elderge de jaqın. NATO öziniñ Oñtüstik Şığıs şekarasınıñ qauipsizdigin eskeretin bolsa, onda Türkiyadan qol üzip kete almaydı.

Resey öndiretin S-400 zımıran qorğanıs jüyesi älemdegi eñ quattı äue qorğanıs tehnikasınıñ biri. Bir ğana S-400 jüyesi ülken auqımdı radar, basqaru ortalığı, bağıttauşı radar jäne zımıran qondırğı sındı tört bölikten twradı. Sonday-aq, birneşe komplektaciyasımen satıladı. Türkiya qanday komplektaciya tañdağan künniñ özinde onı NATO-nıñ birtwtas äue qorğanıs jüyesimen üylestirui öte qiın. Reseylik äue qorğanıs jüyesi jaqsı jasalğanımen ol NATO tehnikalarımen üylese bermeydi. Onıñ üstine Türkiya älemde F-35 wşağın qoldanatın sanaulı el. Türkiyanıñ äue qorğanısına aralasqan Resey atalğan ozıq wşaq turalı qwpiya mälimetterdi wrlap aladı dep qauiptenedi.

Türkiya bolsa reseylik qorğanıs jüyesi F-35 wşaqtarı ornalasqan äue bazasınan alısqa ornatılatının alğa tartadı. Degenmen, Resey F-35 wşaqtarı turalı bwğan deyin de qwndı mälimetterge ie bolğan boluı mümkin. Sebebi, Süriiyada orıs radarları Izrail' äue küşteri qatarındağı F-35 wşaqtarın baqılap kelgen.

Qalay desek te Süriya jäne S-400, F-35 mäseleleri AQŞ pen Türkiya arasın barğan sayın alıstatıp baradı. Türkiya kelisimnen bas tartpaytının aytsa, AQŞ bwl kelisimge tübegeyli qarsı ekenin aytadı. Oğan qosa Erdoğan barğan sayın avtoritarlıq bağıtqa qaray ketip baradı. Bwl da Uşingtonğa "wnamaydı".  Eger, NATO-dağı ıntımaqtastıq bolmağanda AQŞ pen Türkiya arası bwdan da auır dağdarısqa tap bolar edi.

“The Qazaq Times”