QR İİM resmi mälimdeme tarattı. Foto: Kazakh-tv.kz.

QR İşki ister ministrligi saylau kezindegi qauipsizdik jäne qwqıqtıq tärtip mäseleleri turalı resmi mälimdeme jasadı. İİM resmi saytı arqılı taratqan mälimdemede, 9 mıñ 903 saylau uçaskesinde eşqanday tärtip bwzuşılıq bolmadı dep körsetken. Resmi mälimdemesi mınaday: 

Bwğan deyin habarlağanımızday, policiya, Wlttıq Wlan jäne İİM-niñ basqa da bölinisteriniñ küşterimen prezidenttik saylau kezinde azamattardıñ erkin dauıs beruine mümkindik tuğızğan qoğamdıq qauipsizdik pen qwqıqtıq tärtip deñgeyi qamtamasız etildi.

9 903 saylau uçaskesiniñ eşqaysısında qoğamdıq tärtipti öreskel bwzuğa jol berilgen joq.

Sonday-aq Nwr-Swltan, Almatı qalalarında sot tıyım salğan "QDT" ekstremistik wyımınıñ belsendi jaqtastarı özderiniñ şeteldik basşılarınıñ nwsqauımen saylau kezinde qoğamdıq jağdaydı twraqsızdandıru üşin zañsız mitingiler wyımdastırdı.

"QDT" belsendileri äleumettik jelilerdi paydalana otırıp, jappay nasihat jürgizu nätijesinde osı qwqıqqa qarsı akciyalarğa azamattarımızdıñ köp böligin tartıp, sol arqılı olardı qwqıq bwzuşılıqtar jasauğa itermeledi.

Tıyım salınğan wyım belsendileriniñ is-äreketteri nätijesinde 9 mausımda birqatar azamattar elimizdiñ zañdarın bwzdı jäne ol üşin jauapqa tartıldı.

10 mausımda äleumettik jeliler, "QDT" belsendileriniñ çattarı monitoringiniñ nätijeleri boyınşa "QDT" basşılarınıñ nwsqaularınan olardıñ destruktivti äreketterdi toqtatpaytının jäne halıqtı rwqsatsız mitingterge şığuğa qayta şaqıratının tüsinu qiın emes edi.

Sonımen qatar, "QDT" çat belsendileriniñ arasında keptelister men kölik kollapsın wyımdastırudan bastap tärtip saqşılarımen tikeley qarsı twruğa deyingi jaña arandatulardı paydalanu mümkindikteri wsınıldı, talqılandı.

Osını nazarğa ala otırıp jäne jaqın arada tastardı, tayaqtardı jäne perc ballondarın paydalanu jağdayları atap ötilgendigin eskere otırıp, qalalar men oblıstardıñ Öñirlik ştabtarı öz akciyaların ötkizu üşin "QDT" basşılarınıñ qwlaqtandırılğan orındarğa adamdardıñ kiruin şekteu turalı şeşim qabıldadı.

Qwqıq qorğau organdarı atalğan jerlerde qoldanğan aldın alu şaralarına qaramastan, "QDT" belsendileriniñ jekelegen toptarı zañsız mitingterdi wyımdastıruğa tırıstı.

Tiisinşe olar İİO-ğa jetkizildi jäne olardıñ bir böligi äkimşilik jauapkerşilikke tartıldı.

Tartılğandardıñ barlığın Nwr-Swltan qalalıq sotınıñ sud'yaları sottadı, al eldiñ zañnamasına säykes İİO sot aktilerin orındauğa, adamdardı arnayı mekemelerde wstauğa, olardıñ küzetiluin qamtamasız etuge jäne  aydauıldauğa mindetti.

QR İşki ister ministrliginiñ baspasöz qızmeti

“The Qazaq Times”