قر ءىىم رەسمي مالىمدەمە تاراتتى. فوتو: Kazakh-tv.kz.

قر ىشكى ىستەر مينيسترلىگى سايلاۋ كەزىندەگى قاۋىپسىزدىك جانە قۇقىقتىق ءتارتىپ ماسەلەلەرى تۋرالى رەسمي مالىمدەمە جاسادى. ءىىم رەسمي سايتى ارقىلى تاراتقان مالىمدەمەدە، 9 مىڭ 903 سايلاۋ ۋچاسكەسىندە ەشقانداي ءتارتىپ بۇزۋشىلىق بولمادى دەپ كورسەتكەن. رەسمي مالىمدەمەسى مىناداي: 

بۇعان دەيىن حابارلاعانىمىزداي، پوليتسيا، ۇلتتىق ۇلان جانە ءىىم-ءنىڭ باسقا دا بولىنىستەرىنىڭ كۇشتەرىمەن پرەزيدەنتتىك سايلاۋ كەزىندە ازاماتتاردىڭ ەركىن داۋىس بەرۋىنە مۇمكىندىك تۋعىزعان قوعامدىق قاۋىپسىزدىك پەن قۇقىقتىق ءتارتىپ دەڭگەيى قامتاماسىز ەتىلدى.

9 903 سايلاۋ ۋچاسكەسىنىڭ ەشقايسىسىندا قوعامدىق ءتارتىپتى ورەسكەل بۇزۋعا جول بەرىلگەن جوق.

سونداي-اق نۇر-سۇلتان، الماتى قالالارىندا سوت تىيىم سالعان "قدت" ەكسترەميستىك ۇيىمىنىڭ بەلسەندى جاقتاستارى وزدەرىنىڭ شەتەلدىك باسشىلارىنىڭ نۇسقاۋىمەن سايلاۋ كەزىندە قوعامدىق جاعدايدى تۇراقسىزداندىرۋ ءۇشىن زاڭسىز ميتينگىلەر ۇيىمداستىردى.

"قدت" بەلسەندىلەرى الەۋمەتتىك جەلىلەردى پايدالانا وتىرىپ، جاپپاي ناسيحات جۇرگىزۋ ناتيجەسىندە وسى قۇقىققا قارسى اكتسيالارعا ازاماتتارىمىزدىڭ كوپ بولىگىن تارتىپ، سول ارقىلى ولاردى قۇقىق بۇزۋشىلىقتار جاساۋعا يتەرمەلەدى.

تىيىم سالىنعان ۇيىم بەلسەندىلەرىنىڭ ءىس-ارەكەتتەرى ناتيجەسىندە 9 ماۋسىمدا بىرقاتار ازاماتتار ەلىمىزدىڭ زاڭدارىن بۇزدى جانە ول ءۇشىن جاۋاپقا تارتىلدى.

10 ماۋسىمدا الەۋمەتتىك جەلىلەر، "قدت" بەلسەندىلەرىنىڭ چاتتارى مونيتورينگىنىڭ ناتيجەلەرى بويىنشا "قدت" باسشىلارىنىڭ نۇسقاۋلارىنان ولاردىڭ دەسترۋكتيۆتى ارەكەتتەردى توقتاتپايتىنىن جانە حالىقتى رۇقساتسىز ميتينگتەرگە شىعۋعا قايتا شاقىراتىنىن ءتۇسىنۋ قيىن ەمەس ەدى.

سونىمەن قاتار، "قدت" چات بەلسەندىلەرىنىڭ اراسىندا كەپتەلىستەر مەن كولىك كوللاپسىن ۇيىمداستىرۋدان باستاپ ءتارتىپ ساقشىلارىمەن تىكەلەي قارسى تۇرۋعا دەيىنگى جاڭا ارانداتۋلاردى پايدالانۋ مۇمكىندىكتەرى ۇسىنىلدى، تالقىلاندى.

وسىنى نازارعا الا وتىرىپ جانە جاقىن ارادا تاستاردى، تاياقتاردى جانە پەرتس باللوندارىن پايدالانۋ جاعدايلارى اتاپ وتىلگەندىگىن ەسكەرە وتىرىپ، قالالار مەن وبلىستاردىڭ وڭىرلىك شتابتارى ءوز اكتسيالارىن وتكىزۋ ءۇشىن "قدت" باسشىلارىنىڭ قۇلاقتاندىرىلعان ورىندارعا ادامداردىڭ كىرۋىن شەكتەۋ تۋرالى شەشىم قابىلدادى.

قۇقىق قورعاۋ ورگاندارى اتالعان جەرلەردە قولدانعان الدىن الۋ شارالارىنا قاراماستان، "قدت" بەلسەندىلەرىنىڭ جەكەلەگەن توپتارى زاڭسىز ميتينگتەردى ۇيىمداستىرۋعا تىرىستى.

تيىسىنشە ولار ءىىو-عا جەتكىزىلدى جانە ولاردىڭ ءبىر بولىگى اكىمشىلىك جاۋاپكەرشىلىككە تارتىلدى.

تارتىلعانداردىڭ بارلىعىن نۇر-سۇلتان قالالىق سوتىنىڭ سۋديالارى سوتتادى، ال ەلدىڭ زاڭناماسىنا سايكەس ءىىو سوت اكتىلەرىن ورىنداۋعا، ادامداردى ارنايى مەكەمەلەردە ۇستاۋعا، ولاردىڭ كۇزەتىلۋىن قامتاماسىز ەتۋگە جانە  ايداۋىلداۋعا مىندەتتى.

قر ىشكى ىستەر مينيسترلىگىنىڭ ءباسپاسوز قىزمەتى

“The Qazaq Times”