Policiya ökilderi Almatı qalasında 10 mausım küni keşte orın alğan jağdayğa baylanıstı mälimdeme jasap, birqatar qoğamdıq tärtipti büldiru äreketteriniñ, zañ bwzuşılıqtardıñ orın alğanın habarladı. Policiya tarabınan taratılğan resmi mälimdeme mınaday: 

Keşe, 2019 jıldıñ 10 mausımında şamamen keşki sağat 18.00-den 2019 jıldıñ 11 mausımı 02.00-ge deyin Almatıda birneşe adamnan qwralğan top qoğamdıq tärtipti bwzuğa jol berdi. Atalğan qwqıq bwzuşılıqqa qatısuşılardı policiya wstadı. Qazirgi uaqıtta atalğan oqiğa boyınşa qwqıq qorğau organdarı tarapınan tolıq qwqıqtıq bağa berilgen joq. Bwl rette insinuaciyanı boldırmau üşin jäne halıqqa dwrıs habar beru maqsatında policiya ökilderi rastalğan birqatar faktilerdi mälimdep otır.

Birinşiden. 10 mausım küni keşki sağat 18.00-de «Alğabas» ıqşamaudanında «Alatau» teatrınıñ aldında R. Zayıtovtıñ şaqıruımen rwqsat etilmegen miting ötkizu üşin bir top adam jinaldı. Miting wyımdastırmau turalı habarlamağa qwlaq aspağan olar, policiyağa qarsılıq körsetip, artınşa wstaldı.

Onıñ üstine, olardıñ keybireuleri Almatı Arena audanındağı joldı jauıp tastadı. R.Zayıtovpen äñgimelesu jürgizilgennen keyin ol bosatıldı. Alayda osı aralıqta Almatı qalası policiya departamentiniñ («Celinnıy» ğimaratı) aldında oğan qoldau körsetu üşin bir top adam jinaldı. Üyinen qaytıp oralğan R.Zayıtov jinalğan qauımdı eşqanday zañsız is-şaralarğa qatıspauğa jäne arandatuşılıq jasamau jöninde ötiniş bildirdi.

Jinalğandar birneşe topqa bölinip, qala boyınşa taraydı. Biraq aralarındağı bireui jeke avtoköligine otırıp, Töle bi jäne Abay köşelerindegi qozğalıstı şekteydi. Bwdan özge üş-tört avtokölik birigip, kolonna wyımdastırıp, aqırın jıldamdıqpen qozğaldı. Türli dıbıs signaldarın paydalanğan olar sol jerdegi basqa kölikterdiñ qalıptı qozğalısına kedergi keltirdi. Sol sätte bir top adamdar kölik jüretin joldıñ boyına şığıp, apattı jağday tuğızadı. Bwl adamdar da özderin döreki wstap, qattı ayqaylap, ısqırıp, qoğamdıq tärtipti bwzdı. Zañsız äreketke barğandar qanday da bir talap, şart qoyğan emes.

Ekinşiden. Zañsız akciyalardıñ qatısuşıları birneşe qılmıstıq äreketke de bardı. Mäselen, tüngi birler şamasında Töle bi dañğılı men Ötegen batır köşesiniñ qiılısında «Sayran» avtovokzalına qarama-qarsı jaqta zañsız akciyağa qatısuşı bir kölik jol-kölik qozğalısın retteumen aynalısıp jürgen jol-patrul'dik policiya qızmetkerin qağıp ketti. Därigerlerdiñ aytuınşa, onıñ oñ jaq jilinşigi ığısıp, jambas-berc süyeginde jabıq sınu bar.

Jürgizuşi qılmıs ornınan boy tasalağanımen, köp wzamay QR Qılmıstıq kodeksiniñ 345-babında körsetilgen qılmıs belgileri boyınşa wstaldı. Almatı qalasınıñ Alatau audanında keşki uaqıtta bir top adam mas küyinde policiya avtoköligine zaqım keltirgen. Olar maşinanı sındırıp, onı tastarmen laqtırdı. Tärtip bwzuşılar wstaldı. Bwl fakt QR Qılmıstıq kodeksiniñ 293 babı boyınşa sotqa deyingi tergeudiñ birıñğay tiziliminde tirkelgen.

Üşinşiden. Atalğan qwqıq bwzuşılıqtar boyınşa keşki jäne tüngi uaqıtta koll-ortalığına qalalıqtardan 1250 ötiniş kelip tüsti. Onıñ 70 payızı tüngi oqiğalar. Twrğındar tüngi uaqıttağı ayqay-şudan qorıqqan. Al jürgizuşiler jol qozğalısı erejelerin öreskel bwzğandarğa narazı boldı. Policiya organdarı zañsız is-äreketterdiñ jolın kesu boyınşa tiisti şaralar qabıldadı. Qwqıq bwzuşılar wstaldı.

Qazirgi uaqıtta Almatıdağı jağday tolığımen baqılauğa alındı. Köliktiñ jäne barlıq qızmetterdiñ qalıptı jwmıs isteui qamtamasız etildi. Köşelerde qauipsizdikti qamtamasız etu boyınşa barlıq şaralar qabıldandı. Policiya qoğamdıq tärtipti bwzuğa jol bermeytinin, kez-kelgen qwqıqqa qarsı äreketterge, azamattardıñ ömiri men qauipsizdigine qater töndiruge jol bermeytinin mälimdeydi.

Bwğan qosa, policiya tarabı tiisti aqparattardıñ BAQ-ta taratılatının aytadı. 

“The Qazaq Times”