Foto: Atameken Business Channel

Jaqında ötetin halıqaralıq äskeri oyındarğa baylanıstı Resey sarbazdarı Qazaqstanmen şekaralas aymaqtarda oqu-jattığu şaraların ötkizip jatır.

Resey tilşisi Andrey Sobolevtiñ aytuınşa, şekaralas audandarda ülken dayındıq bastalğan. Eldi-mekenderde joldarğa tas töselgen. Barlıq qonaq üyler brondalıp, işinde ärleu jwmıstarı jürgizilude. Jergilikti twrğındar birneşe künnen beri äskeri tehnika men ülken budkalar tielgen «KAMAZ»-dar jür.

Sobolev öz maqalasında Resey äskerileriniñ Qazaqstan şekarasına jaqındauı alda kele jatqan prezidenttik saylaumen baylanıstı boluı mümkin, sebebi el biligi qauipsizdik şaraların qolğa alıp jatır degen. Sonday-aq, ol: «Körşi elde bäri beybit ayaqtaladı, al şekarağa tartılıp jatqan äskeri küşter – tek äskeri oyın üşin dep ümittenemiz», – deydi.

Aldın-ala mälimetter boyınşa, biıl Resey men Qazaqstan eki el aumağında ötetin äskeri oqu-jattığuğa qatısu üşin äsker almasadı. Resey öz äskerin körşi respublikağa, al Qazaqstan öz äskeri bölimşelerin Reseyge jöneltedi. Sondıqtan da äskerilerdiñ bwl belsendiligi aldağı Halıqaralıq äskeri oyındarmen baylanıstı.

 

"The Qazaq Times"