فوتو: Atameken Business Channel

جاقىندا وتەتىن حالىقارالىق اسكەري ويىندارعا بايلانىستى رەسەي ساربازدارى قازاقستانمەن شەكارالاس ايماقتاردا وقۋ-جاتتىعۋ شارالارىن وتكىزىپ جاتىر.

رەسەي ءتىلشىسى اندرەي سوبولەۆتىڭ ايتۋىنشا، شەكارالاس اۋدانداردا ۇلكەن دايىندىق باستالعان. ەلدى-مەكەندەردە جولدارعا تاس توسەلگەن. بارلىق قوناق ۇيلەر بروندالىپ، ىشىندە ارلەۋ جۇمىستارى جۇرگىزىلۋدە. جەرگىلىكتى تۇرعىندار بىرنەشە كۇننەن بەرى اسكەري تەحنيكا مەن ۇلكەن بۋدكالار تيەلگەن «كاماز»-دار ءجۇر.

سوبولەۆ ءوز ماقالاسىندا رەسەي اسكەريلەرىنىڭ قازاقستان شەكاراسىنا جاقىنداۋى الدا كەلە جاتقان پرەزيدەنتتىك سايلاۋمەن بايلانىستى بولۋى مۇمكىن، سەبەبى ەل بيلىگى قاۋىپسىزدىك شارالارىن قولعا الىپ جاتىر دەگەن. سونداي-اق، ول: «كورشى ەلدە ءبارى بەيبىت اياقتالادى، ال شەكاراعا تارتىلىپ جاتقان اسكەري كۇشتەر – تەك اسكەري ويىن ءۇشىن دەپ ۇمىتتەنەمىز»، – دەيدى.

الدىن-الا مالىمەتتەر بويىنشا، بيىل رەسەي مەن قازاقستان ەكى ەل اۋماعىندا وتەتىن اسكەري وقۋ-جاتتىعۋعا قاتىسۋ ءۇشىن اسكەر الماسادى. رەسەي ءوز اسكەرىن كورشى رەسپۋبليكاعا، ال قازاقستان ءوز اسكەري بولىمشەلەرىن رەسەيگە جونەلتەدى. سوندىقتان دا اسكەريلەردىڭ بۇل بەلسەندىلىگى الداعى حالىقارالىق اسكەري ويىندارمەن بايلانىستى.

 

"The Qazaq Times"