Фото: Atameken Business Channel

Жақында өтетін халықаралық әскери ойындарға байланысты Ресей сарбаздары Қазақстанмен шекаралас аймақтарда оқу-жаттығу шараларын өткізіп жатыр.

Ресей тілшісі Андрей Соболевтің айтуынша, шекаралас аудандарда үлкен дайындық басталған. Елді-мекендерде жолдарға тас төселген. Барлық қонақ үйлер брондалып, ішінде әрлеу жұмыстары жүргізілуде. Жергілікті тұрғындар бірнеше күннен бері әскери техника мен үлкен будкалар тиелген «КАМАЗ»-дар жүр.

Соболев өз мақаласында Ресей әскерилерінің Қазақстан шекарасына жақындауы алда келе жатқан президенттік сайлаумен байланысты болуы мүмкін, себебі ел билігі қауіпсіздік шараларын қолға алып жатыр деген. Сондай-ақ, ол: «Көрші елде бәрі бейбіт аяқталады, ал шекараға тартылып жатқан әскери күштер – тек әскери ойын үшін деп үміттенеміз», – дейді.

Алдын-ала мәліметтер бойынша, биыл Ресей мен Қазақстан екі ел аумағында өтетін әскери оқу-жаттығуға қатысу үшін әскер алмасады. Ресей өз әскерін көрші республикаға, ал Қазақстан өз әскери бөлімшелерін Ресейге жөнелтеді. Сондықтан да әскерилердің бұл белсенділігі алдағы Халықаралық әскери ойындармен байланысты.

 

"The Qazaq Times"