Germaniya prezidenti Frank-Val'ter Ştaynmayer. Foto: https://tengrinews.kz

Germaniya Qazaqstan ükimetine 8,5 mlrd dollar köleminde qarjı qwyğan.

Jaqında Berlinde Bundestag deputattarı men isker qauım ökilderiniñ birlesuimen Qazaqstan men Germaniya arasındağı ekonomikalıq, mädeni baylanıstardı damıtatın wyım iske kiristi. Wyımnıñ alğaşqı mäjilisi «Qazaqstan men Germaniya: 27 jıl seriktestik» taqırıbına arnalıp, nemis sayasatkerleri men käsipkerleri qazaqstandıq delegaciyamen auıl şaruaşılığı, maşina jasau jäne balamalı energetika salalarındağı jobalalardı talqıladı.

Konferenciyada aytılğan mälimetter boyınşa, Germaniya Qazaqstan ekonomikasına şamamen 8,5 milliard dollar qwyğan. Osı rette QR Sırtqı ister ministriniñ orınbasarı Ermek Köşerbaev: «Sırtqı ister ministrligine jañadan bir funkciyalar berilgen. Bwl – investiciyanı tartu jäne eksporttı ilgeriletu. Sol jöninde üş memleket, jalpı ülken memleketter ataladı. Ol AQŞ, Japoniya jäne Germaniya siyaqtı joğarı tehnologiya jäne önerkäsibi bar elder. Jañadan şıqqan tehnologiyalardı öz elimizge tartu qajet. Osınday platformalarda biznes qoğammen kezdesip, jaña mümkindikter aşıladı, sol mümkindikterdi paydalanu kerekpiz», – dep mälimdedi.

Germaniya Qazaqstannıñ eñ iri üş sauda äriptesiniñ qatarına kiredi. 2017 jılı şildede Qazaqstan men Germaniya iskerlik keñesiniñ otırısında qwnı 872 mln euroğa bağalanatın 21 kelisimge qol qoyıldı. Al biıl 25 naurızda Germaniya Qarulı Küşteriniñ äskeri qimıldardı model'deu jäne äskeri medicina salasında cifrlıq monitoring jüyesin paydalanudı üyrenu maqsatında arnayı jasaq bölimşeleri arasında täjiribe almasu turalı kelisimderge qol qoyıldı.

"The Qazaq Times"