گەرمانيا پرەزيدەنتى فرانك-ۆالتەر شتاينمايەر. فوتو: https://tengrinews.kz

گەرمانيا قازاقستان ۇكىمەتىنە 8,5 ملرد دوللار كولەمىندە قارجى قۇيعان.

جاقىندا بەرليندە بۋندەستاگ دەپۋتاتتارى مەن ىسكەر قاۋىم وكىلدەرىنىڭ بىرلەسۋىمەن قازاقستان مەن گەرمانيا اراسىنداعى ەكونوميكالىق، مادەني بايلانىستاردى دامىتاتىن ۇيىم ىسكە كىرىستى. ۇيىمنىڭ العاشقى ءماجىلىسى «قازاقستان مەن گەرمانيا: 27 جىل سەرىكتەستىك» تاقىرىبىنا ارنالىپ، نەمىس ساياساتكەرلەرى مەن كاسىپكەرلەرى قازاقستاندىق دەلەگاتسيامەن اۋىل شارۋاشىلىعى، ماشينا جاساۋ جانە بالامالى ەنەرگەتيكا سالالارىنداعى جوبالالاردى تالقىلادى.

كونفەرەنتسيادا ايتىلعان مالىمەتتەر بويىنشا، گەرمانيا قازاقستان ەكونوميكاسىنا شامامەن 8,5 ميلليارد دوللار قۇيعان. وسى رەتتە قر سىرتقى ىستەر ءمينيسترىنىڭ ورىنباسارى ەرمەك كوشەرباەۆ: «سىرتقى ىستەر مينيسترلىگىنە جاڭادان ءبىر فۋنكتسيالار بەرىلگەن. بۇل – ينۆەستيتسيانى تارتۋ جانە ەكسپورتتى ىلگەرىلەتۋ. سول جونىندە ءۇش مەملەكەت، جالپى ۇلكەن مەملەكەتتەر اتالادى. ول اقش، جاپونيا جانە گەرمانيا سياقتى جوعارى تەحنولوگيا جانە ونەركاسىبى بار ەلدەر. جاڭادان شىققان تەحنولوگيالاردى ءوز ەلىمىزگە تارتۋ قاجەت. وسىنداي پلاتفورمالاردا بيزنەس قوعاممەن كەزدەسىپ، جاڭا مۇمكىندىكتەر اشىلادى، سول مۇمكىندىكتەردى پايدالانۋ كەرەكپىز»، – دەپ مالىمدەدى.

گەرمانيا قازاقستاننىڭ ەڭ ءىرى ءۇش ساۋدا ارىپتەسىنىڭ قاتارىنا كىرەدى. 2017 جىلى شىلدەدە قازاقستان مەن گەرمانيا ىسكەرلىك كەڭەسىنىڭ وتىرىسىندا قۇنى 872 ملن ەۋروعا باعالاناتىن 21 كەلىسىمگە قول قويىلدى. ال بيىل 25 ناۋرىزدا گەرمانيا قارۋلى كۇشتەرىنىڭ اسكەري قيمىلداردى مودەلدەۋ جانە اسكەري مەديتسينا سالاسىندا تسيفرلىق مونيتورينگ جۇيەسىن پايدالانۋدى ۇيرەنۋ ماقساتىندا ارنايى جاساق بولىمشەلەرى اراسىندا تاجىريبە الماسۋ تۋرالى كەلىسىمدەرگە قول قويىلدى.

"The Qazaq Times"