QR prezidenttigine ümitkerler. Foto: https://bnews.kz

29 mamır sağat 18.00-de prezidenttikke ümitkerler arasında teledebat ötedi.

Ortalıq saylau komissiyasınıñ mälimetinşe, teledebat pen söz sayıstıru üş bölimnen twradı. Uaqıtı – şamamen 80 minut.

Brinşi bölim eki kezeñnen twradı. Aldımen ärbir qatısuşı öziniñ saylaualdı bağdarlamasın tanıstıradı. Al ekinşi kezeñde qatısuşılar özara swraq-jauap ötkizedi. Qatısuşılar qarsılastarına eki swraqtan qoya aladı jäne eki swraqqa ğana jauap beredi.

Ekinşi bölimniñ taqırıbı «Qazaqstannıñ äleumettik modernizaciyası». Birinşi kezeñinde ärbir qatısuşı berilgen taqırıpta söz söyleydi. Ekinşi kezeñde kandidattar jürgizuşiniñ qoyğan swrağına jauap berui tiis

Pikirtalastıñ şeşuşi böliminde kandidattar halıq aldında yağni saylauşılarğa jarnamalıq söz arnauı tiis.

Debat «Qazmedia ortalığı» keşeniniñ pavil'onında wyımdastırılıp, «Habar» telearnasında körsetiledi. Jürgizuşileri – Erlan Igisinov pen Qımbat Dosjan.

Eske sala keteyik, osı jolı QR OSK jeti kandidattı tirkedi. Olardıñ işinde «Nur Otan» partiyasınan Qasım-Jomart Toqaev, «Wlt tağdırı» wlttıq-patriottıq qozğalısı wsınğan kandidat Ämirjan Qosanov, «Auıl» halıqtıq-demokratiyalıq patriottıq partiyasınan Töleutay Rahımbekov, Qazaqstannıñ kommunister partiyasınan Jambıl Ahmetbekov, «Wlı dala qırandarı» respublikalıq qozğalısınan Sädi-Bek Tügel, Qazaqstan Respublikasınıñ käsipodaqtar federaciyasınan Amangeldi Taspihov jäne «Aq jol» Qazaqstannıñ demokratiyalıq partiyasınan Daniya Espaeva bar.

"The Qazaq Times"