kinopoisk.ru

Ukraina prezidenti Vladimir Zelenskiydiñ VIII şaqırılımdağı Joğarğı Radanı taratıp, kezekten tıs saylau ötkizu turalı Jarlığı küşine endi.

Ukrainforum mälimetinşe, kezekten tıs saylau 21 şildege josparlanğan. Osı maqsatta Ukraina ministrler kabinetine Joğarğı Radanıñ kezekten tıs saylauın qarjılandıru tapsırıldı. Saylauğa qatıstı resmi qwjatta: «Ukraina Konstituciyasınıñ 90-babı ekinşi böligi 1-tarmağı, 83-babı altınşı jäne jetinşi böligi, 77-babı ekinşi böligine jäne 106-babı birinşi böligi 7 jäne 8-tarmaqtarına säykes, VIII şaqırılımdağı Ukraina Joğarğı Radasınıñ ökilettigin merziminen bwrın toqtatudı qaulı etemin. Ukraina Joğarğı Radasınıñ kezekten tıs saylauı 2019 jıldıñ 21 şildesinde ötkizilsin», - delingen.

Parlament koaliciyasındağı deputtatardıñ azdığına baylanıstı Zelenskiy komandası Joğarğı Radanı merziminen bwrın taratu turalı şeşim qabıldağan. Osığan deyin koaliciyanı «Samopomoş'» jäne «Bat'kivşina» partiyaları tastap ketken. Qazirgi uaqıtta Parlamentte «Petr Poroşenko blogı» men «Halıq frontınıñ» 226 deputatı bar. Bwl sanı jağınan Parlamenttiñ jartısı ğana.

"The Qazaq Times"