ҚР президенттігіне үміткерлер. Фото: https://bnews.kz

29 мамыр сағат 18.00-де президенттікке үміткерлер арасында теледебат өтеді.

Орталық сайлау комиссиясының мәліметінше, теледебат пен сөз сайыстыру үш бөлімнен тұрады. Уақыты – шамамен 80 минут.

Брінші бөлім екі кезеңнен тұрады. Алдымен әрбір қатысушы өзінің сайлауалды бағдарламасын таныстырады. Ал екінші кезеңде қатысушылар өзара сұрақ-жауап өткізеді. Қатысушылар қарсыластарына екі сұрақтан қоя алады және екі сұраққа ғана жауап береді.

Екінші бөлімнің тақырыбы «Қазақстанның әлеуметтік модернизациясы». Бірінші кезеңінде әрбір қатысушы берілген тақырыпта сөз сөйлейді. Екінші кезеңде кандидаттар жүргізушінің қойған сұрағына жауап беруі тиіс

Пікірталастың шешуші бөлімінде кандидаттар халық алдында яғни сайлаушыларға жарнамалық сөз арнауы тиіс.

Дебат «Қазмедиа орталығы» кешенінің павильонында ұйымдастырылып, «Хабар» телеарнасында көрсетіледі. Жүргізушілері – Ерлан Игисинов пен Қымбат Досжан.

Еске сала кетейік, осы жолы ҚР ОСК жеті кандидатты тіркеді. Олардың ішінде «Nur Otan» партиясынан Қасым-Жомарт Тоқаев, «Ұлт тағдыры» ұлттық-патриоттық қозғалысы ұсынған кандидат Әміржан Қосанов, «Ауыл» халықтық-демократиялық патриоттық партиясынан Төлеутай Рахымбеков, Қазақстанның коммунистер партиясынан Жамбыл Ахметбеков, «Ұлы дала қырандары» республикалық қозғалысынан Сәді-Бек Түгел, Қазақстан Республикасының кәсіподақтар федерациясынан Амангелді Таспихов және «Ақ жол» Қазақстанның демократиялық партиясынан Дания Еспаева бар.

"The Qazaq Times"