Foto: http://vss.gov.kz

Qazaqstannıñ Türkiyadağı elşiligi Ankarada alda kele jatqan kezekten tıs prezidenttik saylau men oğan dayındıq şaraları jöninde baspasöz jiının ötkizdi.

Otırısqa Türkiyanıñ aqparat agenttikteri, iri mediaholding ökilderi qatıstı. Basqosu barısında qazaqstandıq tarap BAQ ökilderine Qazaqstandağı prezidenttik saylau zañnaması, nauqanı men ümitkerler jaylı jan-jaqtı aqparat berip, qos tarap kezekten tıs prezidenttik saylaudıñ ötu barısın talqıladı.

Kezdesude jurnalister Qazaqstandağı dini ahual, Ortalıq Aziyadağı ıntımaqtastıq ürdisi, Jibek jolı, Şanhay ıntımaqtastıq wyımı, Qazaqstannıñ BWW Qauipsizdik keñesindegi törağalığı jäne eki el arasındağı sauda-sattıq taqırıptarı töñireginde oy bölisken. Türkiyalıq media Qazaqstanda ädil jäne aşıq saylaudıñ ötuine senim bildirdi.

Eske sala keteyik, osı jolı QR OSK jeti kandidattı tirkedi. Olardıñ qatarında «Nur Otan» partiyasınan Qasım-Jomart Toqaev, «Wlt tağdırı» wlttıq-patriottıq qozğalısı wsınğan kandidat Ämirjan Qosanov, «Auıl» halıqtıq-demokratiyalıq patriottıq partiyasınan Töleutay Rahımbekov, Qazaqstannıñ kommunister partiyasınan Jambıl Ahmetbekov, «Wlı dala qırandarı» respublikalıq qozğalısınan Sädi-Bek Tügel, Qazaqstan Respublikasınıñ käsipodaqtar federaciyasınan Amangeldi Taspihov jäne «Aq jol» Qazaqstannıñ demokratiyalıq partiyasınan Daniya Espaeva bar.

"The Qazaq Times"