Foto: Izvestiya

AQŞ Türkiyağa ul'timatum qoydı.

Uaşington Ankarağa Reseydiñ S-400 zımıran jüyesin satıp aludan bas tartuğa eki apta uaqıt berdi. SNBC telearnasınıñ mälimetinşe, Türkiya osı uaqıt aralığında Mäskeumen aradağı kelisimdi bwzıp, AQŞ-tıñ «Patriot» zımıran jüyesin satıp aluı tiis. Öytpegen jağdayda Uaşington Ankaranı F-35 wşıqtarın qwrastıru jäne paydalanu bağdarlamasınan şettetedi. Bwdan bölek ul'timatum orındalmağan jağdayda AQŞ Türkiyağa sankciya saluı mümkin.

Bwğan deyin Türkiya prezidenti Rejep Tayıp Erdoğan Reseyden S-400 äue qorğanısı jüyesin satıp aludan bas tartpaytındığın aytıp, birneşe märte mälimdeme jasağan.

S-400 jüyesiniñ alğaşqı danaları Türkiyağa şilde ayında jetkiziledi. AQŞ reseylik jüye NATO standarttarına säykes kelmeydi dep esepteydi.

"The Qazaq Times"